Innlent

Reyndu að flýja lögregluna eftir eftirför

Hallgerður Kolbrún E. Jónsdóttir skrifar
Lögreglan þurfti að elta uppi bílstjóra og farþega í gær. 
Lögreglan þurfti að elta uppi bílstjóra og farþega í gær.  Vísir/Vilhelm

Eftirför fór fram á sjötta tímanum í gærkvöldi þegar lögreglumenn ætluðu að stöðva ökutæki í Árbænum. Eftirförin varð ekki löng og var bifreiðin stöðvuð þar sem ökumaður og farþegi reyndu að hlaupa af vettvangi. Ökumaðurinn var handtekinn skömmu síðar grunaður um akstur undir áhrifum fíkniefna, ítrekaðan akstur sviptur ökuréttindum og fleira. Hann var vistaður í fangageymslu lögreglu vegna rannsóknar málsins.

Brotist var inn í húsnæði í miðbænum á ellefta tímanum í gær. Tveir menn voru handteknir á staðnum grunaðir um að hafa brotist inn og voru í kjölfarið vistaðir í fangageymslu lögreglu vegna rannsóknar málsins.

Nokkuð var um að ökumenn hafi verið undir stýri undir áhrifum áfengis og/eða fíkniefna. Fjórir voru stöðvaðir í gærkvöldi og nótt grunaðir um slík brot. Þá var einn stöðvaður í Hafnarfirði og var hann sviptur ökuréttindum, grunaður um ítrekað brot.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×