Erlent

Vilja Suðurríkjastytturnar burt úr þinghúsinu

Andri Eysteinsson skrifar
Stytta af Roger B. Taney, forseta Hæstaréttar sem stendur í þinghúsinu.
Stytta af Roger B. Taney, forseta Hæstaréttar sem stendur í þinghúsinu. Vísir/AP

Fulltrúadeild Bandaríkjaþings hefur samþykkt frumvarp sem snýr að því að styttur af suðurríkjaleiðtogum á borð við Robert E. Lee verði fjarlægðar úr þinghúsinu.

Fulltrúadeildin samþykkti frumvarpið örugglega með 305 atkvæðum gegn 115 og fer það nú fyrir öldungadeildina. Óvíst er hvernig öldungadeildin, þar sem Repúblikanar eru í meirihluta, muni fara með málið.

Verði frumvarpið að lögum verða að minnsta kosti tíu styttur fjarlægðar úr þinghúsinu í Washington. Þar á meðal áðurnefndur Lee hershöfðingi Suðurríkjanna í borgarastríðinu, Jefferson Davis, forseta Suðurríkjanna. Styttur af hvítum þjóðernissinnum, þar á meðal af fyrrverandi varaforsetanum John C. Calhoun, verða fjarlægðar.

Þá verður styttan af Roger B. Taney fyrrum forseta Hæstaréttar Bandaríkjanna fjarlægð en hann ákvarðaði árið 1857 að svartir Bandaríkjamenn gætu ekki talist ríkisborgarar.

Meðhöfundur frumvarpsins, Steny Hoyer frá Maryland, sagði að það yrði réttlátt að skipta út styttunni af Taney, sem var frá Maryland, fyrir styttu af Thurgood Marshall, fyrsta svarta hæstaréttardómara Bandaríkjanna.

Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið