Fluttur á slysa­deild eftir hoppu­kastala­slys

Í hádeginu í dag barst lögreglunni á höfuðborgarsvæðinu tilkynning um slys í hoppukastala. Sá sem lenti í slysinu var fluttur með sjúkrabifreið á slysadeild. Þetta kemur fram í dagbók lögreglu yfir skráð atvik frá klukkan 11 til 17 í dag.

Þá var tilkynnt um útafakstur á Mosfellsheiði. Ökumaður missti stjórn á bifreið sinni með þeim afleiðingum að hún fór út af veginum. Bifreiðin var töluvert skemmd og var hún fjarlægð með dráttarbíl, engin slys urðu á fólki.

Þá var einn handtekinn grunaður um akstur undir áhrifum fíkniefna og fyrir að að framvísa fölsuðu ökuskírteini. Tvö þjófnaðarmál voru tilkynnt lögreglu á milli 11 og 17 í dag.