Viðskipti innlent

Vænir Íslandsstofu og M&C Saatchi um stuld á höfundarréttarvörðu efni

Jakob Bjarnar skrifar
Marcus Lyall segir að verkefni sem M&C Saatchi hefur unnið fyrir Íslandsstofu, hið umdeilda öskurverkefni, sé eftiröpun á verki eftir sig.
Marcus Lyall segir að verkefni sem M&C Saatchi hefur unnið fyrir Íslandsstofu, hið umdeilda öskurverkefni, sé eftiröpun á verki eftir sig.

Listamaðurinn Marcus Lyall, sem búsettur er og starfar á Bretlandseyjum, hefur sent Íslandsstofu bréf þar sem hann fullyrðir að verkefnið „Let it out“ sé eftiröpun á verki eftir sig.

Verkefni Íslandsstofu hefur þegar vakið mikla athygli, verið umdeilt en um er að ræða hluti kynningarherferðar stjórnvalda á Íslandi vegna Covid-19. Gríðarlegum fjármunum, vel á annan milljarð króna, er ætlað til þessa en auglýsingastofan M&C Saatchi hreppti verkefnið eftir útboð. Auglýsingastofan Pipar hefur kært þá niðurstöðu.

Lyall segist í samtali við Vísi ekki enn hafa fengið nein viðbrögð frá Íslandsstofu vegna bréfs síns sem Vísir hefur það undir höndum. Þar rekur hann að herferðin sé eftirlíking sýningar sem hann setti á fót og heitir „Scream the House Down“, innsetning sem hann gerði í samstarfi við Illuminate Productions og New Art Projects.

Sýningin var opnuð í júní en breska pressan hefur fjallað skilmerkilega um hana. Lyall fer ekki í grafgötur með að hann telur þetta augljósan og bíræfinn höfundarréttarstuld.

Þungbært að sjá höfundarverkið gleypt

Í bréfi Lyalls er tíundað að þó tilgangur þessara tveggja verkefna sé í einhverju frábrugðinn þá fari ekkert á milli mála að grunnhugmyndin sé nákvæmlega sú hin sama. Verkefnið gengur út á að bjóða fólki að öskra eitthvert tæki, snjallsíma eða fartölvu og hljóðinu er svo varpað út fjarri byggð. Verkefnin gangi út á að losa um spennu og vanmáttarkennd.

Marcus Lyall hefur sent Íslandsstofu bréf en þar bendir hann á að Let it out sé nánast eins og Scream the House Down. Hann telur einsýnt að um stuld á höfundarrétti sé að ræða.

Stuðast er við myndavélar (webcam) til að notendur geti séð útkomuna. Stuðst er við kenninguna um frumöskur í útskýringum. Og notast er við orðin „let it all out“ í auglýsingastiklu, sem er nákvæmlega sama orðanotkun í auglýsingastiklu sem Lyall gerði til að vekja athygli á innsetningu sinni árið 2013, sem þá vísaði til frumgerðar verkefnis hans.

Lyall segir að „Scream The House Down“ sé verkefni sem unnið var að í sjálfboðaliðastarfi á viðsjáverðum tímum, undir mikilli pressu.

„Það er því ótrúlega sárt að sjá þetta verkefni, sem unnið var af góðum hug, tekið ófrjálsri hendi og gleypt í heilu lagi,“ segir Lyall. Hann segir einnig að stór umboðsskrifstofa hafi sett sig í samband við sig en til stóð að stuðst yrði við verkefnið í herferð sem leggja átti upp til að auglýsa stórt knattspyrnufélag. Það verður ekki úr því eftir að þessari herferð Íslandsstofu hefur verið ýtt úr vör.

Af hverju eruð þið að greiða fyrir þýfi?

„Ég hef, meðfram því að hafa starfað sem listamaður, unnið sjálfstætt fyrir auglýsingastofur og leikstýrt sjónvarpsauglýsingum í mörg ár. 

Listamaðurinn Marcus Lyall við störf. Hann hefur leikstýrt sjónvarpsauglýsingum og hefur meira að segja starfað fyrir M&C Saatchi sem slíkur. Hann spyr Íslandsstofu hvort þeim þar á bæ þyki eðlilegt að greiða fyrir þýfi.

Meðal annars hef ég starfað fyrir M&C Saatshi,“ segir Lyall. Sem telur þennan meinta höfundarréttarstuld stórskaða möguleika sína til að selja vinnu sína.

Í bréfinu rekur hann þetta, segist vilja vekja athygli Íslandsstofu á þessu áður en hann fer lengra með málið. „Þá langar mig að spyrja hvernig á því stendur að þið eruð að greiða M&C Saatchi fyrir vinnu annarra?“

Vísir skaut fyrirspurn á Íslandsstofu vegna málsins. Sigríður Dögg Guðmundsdóttir fagstjóri ferðaþjónustu segir að bréfið hafi borist á föstudagskvöld og ekki er enn búið að fara yfir það, en margir starfsmenn Íslandsstofu eru nú í sumarfríi. En að sögn Sigríðar Daggar þarf Íslandsstofa að gefa sér tíma til að kynna sér málið betur áður en brugðist verður við.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
FESTI
1,04
2
43.800
VIS
0,58
2
15.570
ARION
0,42
2
14.711
MAREL
0,28
1
135
SKEL
0,23
2
17.140

Mesta lækkun dagsins


Félag
Br.%
Fjöldi
Velta*
EIK
-1,58
1
10.260
HAGA
-0,7
1
148
ICESEA
-0,59
1
4.670
ICEAIR
0
6
1.014
SIMINN
0
1
19.800
Velkomin á Vísi. Þessi vefur notar vafrakökur. Sjá nánar.