Erlent

Fyrsti víkinga­skips­upp­gröfurinn í Noregi í rúma öld

Atli Ísleifsson skrifar
Norski umhverfisráðherrann Sveinung Rotevatn við Gjellestad í gær.
Norski umhverfisráðherrann Sveinung Rotevatn við Gjellestad í gær. EPA

Fornleifafræðingar í Noregi hafa hafið fyrsta uppgröft víkingaskips í landinu í rúma öld. Skipið fannst á uppgraftarsvæði í Gjellestað í suðausturhluta landsins fyrir um tveimur árum.

Talið er að skipið sé í slæmu ásigkomulagi, en áður hafa einungis þrjú skip í góðu ástandi fundist í landinu og er búist við að þessi uppgröftur standi í fimm mánuði.

Knut Paasche, sérfræðingur hjá Minningarminjarannsókarstofnun Noregs, segir að þrátt fyrir að lítið kunni að vera eftir af timbri skipsins þá sé líklegt að nútímatækni muni nýtast við að komast að upprunalegri lögun skipsins.

Skipið var um tuttugu metrar að lengd og fannst við ratsjárrannsóknir árið 2018. Á sama tíma fundust nokkur langhús og haugar.

Noregur Fornminjar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið