Innlent

Einn greindist hjá Ís­lenskri erfða­greiningu

Hallgerður Kolbrún E. Jónsdóttir skrifar
Einn greindist með kórónuveiruna í gær.
Einn greindist með kórónuveiruna í gær. Vísir/Vilhelm

Einn greindist með kórónuveiruna síðasta sólarhringinn hér á landi samkvæmt nýjum tölum á Covid.is sem birtar voru um klukkan 13. Fólki í sóttkví fjölgar örlítið milli sólarhringa.

Staðfest smit eru því, líkt og í gær, 1.806, en einungis tvö virkt smit er þá í landinu nú.

Í gær voru tekin á sjötta hundrað sýni - 70 hjá sýkla- og veirufræðideild Landspítalans og 464 hjá Íslenskri erfðagreiningu og var eitt þeirra jákvætt. Alls hafa nú verið tekin 61.025 sýni frá upphafi faraldursins.

Enginn liggur inni á sjúkrahúsi með Covid-19 þessa stundina og hafa 1.794 náð bata. Fólk í sóttkví er nú 1.114, en alls hafa 20.635 lokið sóttkví.

Tíu hafa látist af völdum úr veirunnar.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið