Erlent

Starfs­maður dýra­garðs bitinn af ljónum

Atli Ísleifsson skrifar
Dýragarðurinn hefur verið lokaður frá 25. mars síðastliðinn vegna faraldurs kórónuveirunnar. Myndin tengist fréttinni ekki beint.
Dýragarðurinn hefur verið lokaður frá 25. mars síðastliðinn vegna faraldurs kórónuveirunnar. Myndin tengist fréttinni ekki beint. Getty

Ástand 35 ára konu er sagt alvarlegt eftir að tvö ljón réðust á hana í Shoalhaven-dýragarðinum í Ástralíu á þriðjudaginn.

Konan vann að þrifum í búri þegar ráðist var á hana og bitu ljónin hana ítrekað í höfuð og háls.

Konan fannst meðvitundarlaus í búrinu og var hún flutt á sjúkrahús í Sydney, en dýragarðinn er að finna um 160 kílómetrum suður af Sydney.

Dýragarðurinn hefur verið lokaður frá 25. mars síðastliðinn vegna faraldurs kórónuveirunnar.

BBC segir frá því að árið 2014 hafi starfsmaður dýragarðsins verið dreginn niður í tjörn af krókódíl á meðan á sýningu fyrir gesti stóð. Hann komst lífs af en hlaut bitsár á hendi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.