Ekki benda á mig, segir forsetinn Samúel Karl Ólason skrifar 26. maí 2020 09:10 Jair Bolsonaro, forseti Brasilíu, vill enga ábyrgð bera á ástandi landsins. AP/Eraldo Peres Jair Bolsonaro, forseti Brasilíu, vill enga ábyrgð bera á því að Brasilía er að verða eitt verst stadda landið vegna heimsfaraldurs nýju kórónuveirunnar. Þrátt fyrir að hann hafi barist gegn aðgerðum ríkis- og borgarstjóra, segir hann sökina vera þeirra og sömuleiðis sé fyrrverandi heilbrigðisráðherra landsins og fjölmiðlum um að kenna. Forsetinn segist enn sannfærður um að afleiðingar félagsforðunar á efnahag Brasilíu muni hafa verri afleiðingar en faraldurinn sjálfur. Þá hefur hann ítrekað kallað veiruna „litla flensu“ og heilbrigðisstarfsmenn segja fólk draga það að viðurkenna veikindi af ótta við þann smánarblett sem fylgir veirunni. Það hefur aukið hættuna sem heilbrigðisstarfsmenn hafa staðið frammi fyrir. Brasilía er nú í öðru sæti ríkja heimsins varðandi fjölda staðfestra smita og í því sjötta yfir dauðsföll. Alls hafa minnst 374.898 smitast og 23.473 dáið, þegar þetta er skrifað. Líkur hafa verið leiddar að því að mun fleiri hafi í raun dáið vegna veirunnar og það sjáist þegar fjöldi látinna síðustu mánuði er skoðaður og borinn saman við meðalfjölda látinna á sömu mánuðum undanfarin ár. Þriðji heilbrigðisráðherrann Bolsonaro hefur ítrekað neitað að bera ábyrgð á aðgerðum sínum varðandi faraldurinn. Sérstaklega þegar kemur að því að hann hefur grafið undan aðgerðum og yfirlýsingum ríkis- og borgarstjóra varðandi félagsforðun. „Að opna hagkerfið er áhætta sem ég tek, því ef þetta [faraldurinn] versnar, lendir það í fanginu á mér,“ sagði Bolsonaro í apríl, skömmu eftir að hann hafði rekið heilbrigðisráðherra sinn og skipað nýjan, sem átti að verja efnahag ríkisins gegn faraldrinum. Sá heilbrigðisráðherra hafði stutt aðgerðir ríkisstjóra. Sá næsti hætti þegar hann og Bolsonaro voru ósammála um gæði lyfsins chloroquine. Nú er hershöfðingi sem hefur enga reynslu af heilbrigðisstarfsemi heilbrigðisráðherra Brasilíu. Sjá einnig: WHO stöðvar rannsókn á notagildi malaríulyfs sem Trump segist taka gegn Covid Ekki tveimur vikum eftir að Bolsonaro sagði ábyrgðina sína, þegar minnst fimm þúsund manns voru dánir, var nýr tónn í forsetanum þegar hann sagði blaðamönnum að þeir gætu ekki reynt að leggja ábyrgðina í fang hans. Ábyrgðin væri ekki hans. Rúmum mánuði seinna hafa minnst 23.473 dáið og fer dauðsföllum enn fjölgandi. Yfirvöld Bandaríkjanna tilkynntu í gær að ferðamönnum frá Brasilíu yrði meinaður aðgangur að landinu en í gær urðu dauðsföll á undanförnum sólarhring þar í landi fleiri en í Bandaríkjunum. Hér að neðan má sjá efni frá AP fréttaveitunni þar sem meðal annars er rætt við heilbrigðisstarfsmenn. Einn þeirra segir marga standa í þeirri trú að faraldurinn sé ekki raunverulegur. Í byrjun maí úrskurðaði Hæstiréttur Brasilíu að ríkis- og borgarstjórar hefðu rétt á því að grípa til félagsforðunar. Bolsonaro heimtaði hins vegar að dregið yrði úr takmörkunum í Brasilíu og hjólum atvinnulífsins haldið gangandi. Meðal annars með því að halda líkamsræktarstöðvum, rakarastofum og snyrtistofum opnum. Þegar ríkis- og borgarstjórar fylgdu því ekki, sakaði hann þá um að grafa undan réttarríkinu í Brasilíu og sakaði þá um valdboðshneigð. Kannanir sem AP fréttaveitan vísar til, sýna þó að almenningur í Brasilíu er ekki sáttur við störf Bolsonaro varðandi faraldurinn. Í könnun sem gerð var 17. og 18. maí sögðu 58 prósent aðspurðra að viðbrögð forsetans hefðu verið slæm eða hræðileg. 21 prósent sagði þau hafa verið góð eða frábær. Mikil ánægja var þó með störf ríkisstjóra. Nú á laugardaginn gekk Bolsonaro um götur Brasilíuborgar, höfuðborgar Brasilíu, meðal stuðningsmanna sinna og keypti sér pulsu af götusala. Á sama tíma og hann tók myndir með stuðningsmönnum mátti heyra íbúa í sjálfskipaðri sóttkví berja á potta og pönnur á svölum sínum. Brasilía Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir upp hjá RÚV og snýr sér að pólitík Innlent Hættur við að styðja Höllu Hrund Innlent Viktor og Kári heltast úr lestinni Innlent Dramatík þegar tveimur var tilkynnt um ólögleg framboð Innlent Halla Hrund fremst í nýrri könnun og Katrín dottin niður í þriðja sæti Innlent Helmingurinn af búslóðinni í ruslið Innlent Guðrún á Glitstöðum segir vaðið yfir vilja almennings Innlent Ástand hinnar látnu bar þess merki að henni hefði verið ráðinn bani Innlent Forsetavaktin 2024: Hver verður sjöundi forseti lýðveldisins? Innlent Boða verkfallsaðgerðir á Keflavíkurflugvelli í maí Innlent Fleiri fréttir Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Sjá meira
Jair Bolsonaro, forseti Brasilíu, vill enga ábyrgð bera á því að Brasilía er að verða eitt verst stadda landið vegna heimsfaraldurs nýju kórónuveirunnar. Þrátt fyrir að hann hafi barist gegn aðgerðum ríkis- og borgarstjóra, segir hann sökina vera þeirra og sömuleiðis sé fyrrverandi heilbrigðisráðherra landsins og fjölmiðlum um að kenna. Forsetinn segist enn sannfærður um að afleiðingar félagsforðunar á efnahag Brasilíu muni hafa verri afleiðingar en faraldurinn sjálfur. Þá hefur hann ítrekað kallað veiruna „litla flensu“ og heilbrigðisstarfsmenn segja fólk draga það að viðurkenna veikindi af ótta við þann smánarblett sem fylgir veirunni. Það hefur aukið hættuna sem heilbrigðisstarfsmenn hafa staðið frammi fyrir. Brasilía er nú í öðru sæti ríkja heimsins varðandi fjölda staðfestra smita og í því sjötta yfir dauðsföll. Alls hafa minnst 374.898 smitast og 23.473 dáið, þegar þetta er skrifað. Líkur hafa verið leiddar að því að mun fleiri hafi í raun dáið vegna veirunnar og það sjáist þegar fjöldi látinna síðustu mánuði er skoðaður og borinn saman við meðalfjölda látinna á sömu mánuðum undanfarin ár. Þriðji heilbrigðisráðherrann Bolsonaro hefur ítrekað neitað að bera ábyrgð á aðgerðum sínum varðandi faraldurinn. Sérstaklega þegar kemur að því að hann hefur grafið undan aðgerðum og yfirlýsingum ríkis- og borgarstjóra varðandi félagsforðun. „Að opna hagkerfið er áhætta sem ég tek, því ef þetta [faraldurinn] versnar, lendir það í fanginu á mér,“ sagði Bolsonaro í apríl, skömmu eftir að hann hafði rekið heilbrigðisráðherra sinn og skipað nýjan, sem átti að verja efnahag ríkisins gegn faraldrinum. Sá heilbrigðisráðherra hafði stutt aðgerðir ríkisstjóra. Sá næsti hætti þegar hann og Bolsonaro voru ósammála um gæði lyfsins chloroquine. Nú er hershöfðingi sem hefur enga reynslu af heilbrigðisstarfsemi heilbrigðisráðherra Brasilíu. Sjá einnig: WHO stöðvar rannsókn á notagildi malaríulyfs sem Trump segist taka gegn Covid Ekki tveimur vikum eftir að Bolsonaro sagði ábyrgðina sína, þegar minnst fimm þúsund manns voru dánir, var nýr tónn í forsetanum þegar hann sagði blaðamönnum að þeir gætu ekki reynt að leggja ábyrgðina í fang hans. Ábyrgðin væri ekki hans. Rúmum mánuði seinna hafa minnst 23.473 dáið og fer dauðsföllum enn fjölgandi. Yfirvöld Bandaríkjanna tilkynntu í gær að ferðamönnum frá Brasilíu yrði meinaður aðgangur að landinu en í gær urðu dauðsföll á undanförnum sólarhring þar í landi fleiri en í Bandaríkjunum. Hér að neðan má sjá efni frá AP fréttaveitunni þar sem meðal annars er rætt við heilbrigðisstarfsmenn. Einn þeirra segir marga standa í þeirri trú að faraldurinn sé ekki raunverulegur. Í byrjun maí úrskurðaði Hæstiréttur Brasilíu að ríkis- og borgarstjórar hefðu rétt á því að grípa til félagsforðunar. Bolsonaro heimtaði hins vegar að dregið yrði úr takmörkunum í Brasilíu og hjólum atvinnulífsins haldið gangandi. Meðal annars með því að halda líkamsræktarstöðvum, rakarastofum og snyrtistofum opnum. Þegar ríkis- og borgarstjórar fylgdu því ekki, sakaði hann þá um að grafa undan réttarríkinu í Brasilíu og sakaði þá um valdboðshneigð. Kannanir sem AP fréttaveitan vísar til, sýna þó að almenningur í Brasilíu er ekki sáttur við störf Bolsonaro varðandi faraldurinn. Í könnun sem gerð var 17. og 18. maí sögðu 58 prósent aðspurðra að viðbrögð forsetans hefðu verið slæm eða hræðileg. 21 prósent sagði þau hafa verið góð eða frábær. Mikil ánægja var þó með störf ríkisstjóra. Nú á laugardaginn gekk Bolsonaro um götur Brasilíuborgar, höfuðborgar Brasilíu, meðal stuðningsmanna sinna og keypti sér pulsu af götusala. Á sama tíma og hann tók myndir með stuðningsmönnum mátti heyra íbúa í sjálfskipaðri sóttkví berja á potta og pönnur á svölum sínum.
Brasilía Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir upp hjá RÚV og snýr sér að pólitík Innlent Hættur við að styðja Höllu Hrund Innlent Viktor og Kári heltast úr lestinni Innlent Dramatík þegar tveimur var tilkynnt um ólögleg framboð Innlent Halla Hrund fremst í nýrri könnun og Katrín dottin niður í þriðja sæti Innlent Helmingurinn af búslóðinni í ruslið Innlent Guðrún á Glitstöðum segir vaðið yfir vilja almennings Innlent Ástand hinnar látnu bar þess merki að henni hefði verið ráðinn bani Innlent Forsetavaktin 2024: Hver verður sjöundi forseti lýðveldisins? Innlent Boða verkfallsaðgerðir á Keflavíkurflugvelli í maí Innlent Fleiri fréttir Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Sjá meira