A-10 aflýst og Jón Axel hefur spilað sinn síðasta leik fyrir David­son

Jón Axel Guðmundsson hefur leikið sinn síðasta leik fyrir Davidson-háskólann eftir að A-10 úrslitakeppnin var aflýst vegna kórónuveirunnar.

Jeff Goodman, sérfræðingur í bandaríska körfuboltanum, staðfesti þetta í kvöld og sagði einnig frá því að NCAA-keppnin hafi einnig verið aflýst vegna veirunnar sem hefur brotist út í Bandaríkjunum síðustu daga.

Jón Axel var á sínu síðasta ári hjá háskólanum en hann var að fara leika sína síðustu leiki um helgina. Nú er það ljóst að hann

Not how I pictured my senior year ending  https://t.co/cIiKSwilFD

— Jón Axel Guðmundsson (@Jaxelinn) March 12, 2020

Grindvíkingurinn greindi frá því í viðtali við Vísi fyrr í dag að honum hafi verið boðið að taka þátt í Portsmouth Invitational Tournament (PIT), móti í Portsmouth í Virginíu fyrir bestu leikmenn á síðasta ári í bandaríska háskólakörfuboltanum. Þangað mæta útsendarar liða í NBA-deildinni og frá liðum í Evrópu og fylgjast grannt með.

Þetta fer fram í byrjun næsta mánaðar og er því ólíklegt að hann spili með Grindavík í úrslitakeppninni eins og vonir stóðu til um.