Tónlist

Gréta Karen landaði umboðssamningi og sendi frá sér myndband

Sylvía Rut Sigfúsdóttir skrifar
Gréta Karen Grétarsdóttir söngkona sendi á dögunum frá sér nýtt lag og myndband.
Gréta Karen Grétarsdóttir söngkona sendi á dögunum frá sér nýtt lag og myndband.

„Lagið fjallar um þetta erfiða ferli sem það er að sleppa taki á einhverjum sem maður elskar út af lífinu þegar sambandið er ekki að ganga,“ segir söngkonan Gréta Karen Grétarsdóttir um nýja lagið sitt Betra svona. Lagið samdi hún ásamt bróður sínum Kristjáni Grétarssyni.

Mikil tónlist er í fjölskyldunni en þau eru börn Grétars Örvarssonar söngvara Stjórnarinnar. Innblásturinn að laginu kom þegar systkinin gengu bæði í gegnum erfið sambandsslit á sama tíma.

„Við áttum mörg samtöl þar sem við hughreystum hvert annað og út frá því spratt sú hugmynd að gera úr þessum erfiðu tilfinningum lag.“

Aðspurð hvernig samstarf þeirra systkina gangi, svarar Gréta Karen:

„Það gengur bara svona eins og öll systkini geta skilið. Eina stundina langar okkur að drepa hvort annað, en svo hina stundina erum við bestu vinir og alveg sammála um allt. En a endanum mætumst við alltaf á miðri leið.“

View this post on Instagram

"Segðu þeim bara hvernig þér leið, skrifaðu það niður á blað, settu svo saman nokkra hljóma og bættu við það laglínu" .. Eða öllu heldur látum Grétu Karen @gretakg segja ykkur það, enda skildi hún mig 150% og tjáir það hér 150%. Hennar ómetanlega innlegg hefur hjálpað að móta stefnu og tilfinningu þessa lags okkar sem við unnum að og útsettum saman ásamt undradrengnum honum Bjarka Ómars @bomarzmusic. Lagið varð á endanum 'Betra svona' gjörið svo vel. https://open.spotify.com/track/3gIsarq57FQFLq2oEZEMjW?si=rtZvflSeTqaTWMlxG61bYw Hlustið og vonandi njótið .. og endilega skellið í follow á Grétu, hún er vægt til orða tekið ótrúlega hæfileikarík. Thank you : @gretakg @bomarzmusic @siggidori

A post shared by Kristján Grétarsson (@kiddigretars) on

Tárast yfir myndbandinu

Gréta Karen segir að viðbrögðin við laginu hafi verið mjög góð.

„Margir virðast vera að tengja mikið við lagið og textann og höfum við meira að segja fengið skilaboð frá fólki sem segist hafa tárast við að hlusta á lagið, sérstaklega eftir að það hafi horft á myndbandið í kjölfarið sem var auðvitað tilfinningin sem við vildum ná fram með laginu og myndbandinu.“

Bjarki Ómarsson „Bómarz“ próduser vann með systkinunum að laginu, Brynjar Snær tók upp og leikstýrði. Einar Snorri sá upp klippingu.

Klippa: Gréta Karen - Betra svona

Eltir draumana

Gréta Karen býr í Los Angeles í Bandaríkjunum og segir að það sé fjölbreytilegt og sólríkt.

„Ég er að vinna við tónlist. Auk þess að vinna í mínu eigin efni, tek ég að mér allskonar verkefni eins og til dæmis að syngja og semja tónlist fyrir bíómyndir, þætti og auglýsingar, ásamt því koma fram á ýmsum stöðum og tónleikum. Aðalega á live music stöðum eins og til dæmis The Sayers Club, The Black Rabbit Rose, Viper Room, Delilah, The Hotel Café og The W Hotel.“

„Bæði; Bæði betra - BETRA SVONA,“ svarar Gréta Karen hress þegar hún var spurð hvort hún væri að flytja eigin lög, cover lög eða bæði á þessum stöðum.

Hún segir að það besta við LA sé „Postmates, open minded people og frelsið til að vera þú sjálfur og elta draumana þína.“ Það versta sé umferðin og heilsukerfið. „Á einhver hóstamixxxtúru?“

View this post on Instagram

The Little Mermaid

A post shared by G R É T A K A R E N (@gretakg) on

Uppgötvuðu Lady Gaga

Gréta Karen er alltaf með annan fótinn á Íslandi en það er ekkert á dagskránni hjá henni í dag að flytja aftur heim.

„Hvað hefur þú langan tíma. Ég gæti skrifað heila bók,“ segir Gréta Karen þegar blaðamaður spyr hvaða tónlistarfólk sé helst í uppáhaldi hjá henni.

„Þessa dagana eru Caleb Hawley,Yebba, Brandi Carlile, Billie Eilish og Vince Gill mikið í spilun hjá mér.“

Hún segir að það sem hafi mótað hana mest sem listamann sé fólkið sem hún hefur kynnst.

„Og lífið sem ég hef lifað, bæði það góða og slæma.“

Gréta Karen er að vinna í fleiri lögum með bróður sínum og það eru mjög spennandi tímar fram undan hjá henni.

„Svo var ég að skrifa undir umboðssamning við Wendy Starland, sem meðal annars uppgötvaði Lady Gaga, í LA. Þar eru líka mörg spennandi verkefni í býgerð sem ég get ekki rætt mikið um á þessari stundu.“

Áhugasamir geta fylgst með Grétu Kareni á Instagram



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.