Kvöldfréttir Stöðvar 2

Flugfreyjufélag Íslands undirritaði kjarasamning við WOW árið 2018 sem fól í sér svipað vinnuframlag og Icelandair bauð félaginu í gær og var hafnað. Í kvöldfréttum Stöðvar 2 verður rætt við formann samninganefndar Flugfreyjufélags Íslands sem segir samanburðinn ómarktækan þar sem WOW hafi verið lággjaldaflugfélag.

Í fréttatímanum verður einnig rætt við Gylfa Magnússon hagfræðing sem segir kerfið sem hafi verið sniðið í kringum náttúruhamfaratryggingar gæti nýst vel til að mæta afleiðingum kórónuveirunnar. Þetta séu hamfarir sem bitni nú misjafnlega á fyrirtækjum með ósanngjörnum hætti. Þetta og margt fleira í kvöldfréttum Stöðvar 2 klukkan hálf sjö.