Tónlist

Samkoma: Tónleikar með Geirfuglunum

Tinni Sveinsson skrifar
Geirfuglarnir eru sannkölluð gleðisveit.
Geirfuglarnir eru sannkölluð gleðisveit. Vísir

Klukkan ellefu heldur hljómsveitin Geirfuglarnir tónleika hér á Vísi.

Tónleikaröðin nefnist Samkoma og eru tónleikarnir allir í beinni útsendingu hér á Vísi klukkan ellefu á morgnana. Það þýðir að tónlistarmennirnir flytja tónlist sína á afslappaðan máta yfir kaffibollanum.

Hægt er að horfa á beinu útsendinguna hér fyrir neðan en einnig á Facebook-síðu Vísis og á sjónvarpsstöðinni Stöð 2 Vísir á kerfum Vodafone og Símans.

Klippa: Samkoma - Geirfuglarnir

Vísir hefur fengið leikstjórann Ágúst Bent til liðs við sig til að halda utan um tónleikana og er framleiðslan í höndum Skjáskots.

Hljómsveitin Geirfuglarnir hefur verið starfrækt í rúm tuttugu ár. Hún er þekkt fyrir fjörugt polkapopp og almenna gleði. Geirfuglarnir gáfu nýverið út sína sjöttu plötu, sem heitir Hótel Núll.

Á morgun mætir Þórunn Antonía til leiks.

Ellen Kristjáns, Teitur Magnússon, Sturla Atlas, Krummi Björgvinsson, Bríet og Snorri Helgason hafa öll flutt afar vel heppnaða tónleika í tónleikaröðinni Samkoma hér á Vísi. Hægt er að horfa á tónleika þeirra í greinunum sem eru tengdar hér fyrir neðan.

Í tónleikaröðinni Samkoma mæta þekktir íslenskir tónlistarmenn og flytja tónlist sína á afslappaðan máta yfir morgunbollanum. Tónleikarnir eru unnir í samstarfi við Mennta- og menningarmálaráðuneytið og Kjarvalsstofu.


Tengdar fréttir

Tónleikar með Sturla Atlas

Sturla Atlas heldur afslappaða tónleika yfir morgunbollanum í tónleikaröðinni Samkoma.






Fleiri fréttir

Sjá meira


×