Freki karlinn í menntamálaráðuneytinu Guðmundur J. Guðmundsson skrifar 27. maí 2015 07:00 Ef velja ætti einkennisdýr núverandi ríkisstjórnar og þingmeirihluta þá væri það tvímælalaust freki karlinn, nú, eða kerlingin. Það eru engu líkara en það sé ráðherrum og þingmönnum stjórnarinnar sérstakt áhugamál að bola málum sínum í gegn í bullandi ágreiningi við sem flesta, einkum þó fagfólk og þá sem mest vit hafa á málaflokknum. Af nógu er að taka, náttúrupassi, Fiskistofa, rammaáætlun svo eitthvað sé talið. Einn af freku köllunum hefur þó til þessa komist hjá því að kastljósinu væri beint að verkum hans en það er menntamálaráðherra, mest er það þó vegna sofandaháttar stjórnarandstöðunnar. Hjá honum er allt á sömu bókina lært og hjá öðrum ráðherrum, verið er að gera grundvallarbreytingar á skólakerfinu án nokkurrar umræðu, samvinnu eða samráðs við þá sem þar eiga að vinna. Þar má nefna niðurskurð á námi fyrir þá sem eru 25 ára og eldri, niðurskurð á námi til stúdentsprófs um eitt ár og svo nú síðast sameining nokkurra framhaldsskóla sem, ef að líkum lætur, mun leiða til þess að þeir minnstu verða lagðir niður. Þetta síðasta er gert án nokkurs samráðs við þau sveitarfélög sem að málinu koma. Allar munu þessar breytingar leiða til einsleitari, fábreyttari og þar með verri framhaldsskóla.Sveigjanleg mörk Nú er það svo að lítill sem enginn ágreiningur er um að æskilegt sé að sem flest ungmenni fái tækifæri til að útskrifast með stúdentspróf 18 til 19 ára gömul og til þess eru ýmsar aðferðir án þess að skera niður nám eða rústa skólum. Lausnin er einfaldlega fólgin í samvinnu grunnskóla- og framhaldsskólastigsins og að mörkin þar á milli séu sveigjanleg. Ýmsar leiðir koma til greina við þetta verk. Þar má nefna að þétta efri bekki grunnskólans og flytja þangað framhaldsskólaáfanga og mun það hafa verið gert á nokkrum stöðum. Til þess að svo geti orðið þarf hins vegar kennara með næga menntun til að kenna framhaldsskólaáfanga í grunnskólum og þar gæti hnífurinn staðið í kúnni, að minnsta kosti sums staðar. Einnig kæmi til greina að taka þá nemendur sem til þess hafa þroska inn í framhaldsskóla árinu fyrr, eftir 9. bekk, og samkenna námsefni 10. bekkjar og fyrstu áfangana í framhaldsskólanum næstu tvö árin. Þetta kerfi gæti hentað víða í Reykjavík. Til dæmis gæti Fjölbrautaskólinn í Breiðholti tekið við nemendum sem slíkt nám hentar úr öllum fjórum Breiðholtsskólunum. Með þessu vinnst einkum það að óþarfi er að skera niður nám til stúdentsprófs, íslenska stúdentsprófið myndi því halda áfram að standa fyrir sínu. Sveitarfélögunum ætti einnig að standa á sama hvort þau kosta nemendur í 10. bekkjarnám í næsta framhaldsskóla eða grunnskóla, það kemur fjárhagslega út á eitt. Til þess að hrinda þessu í framkvæmd þarf aðeins samvinnu, samræður, skynsemi og útsjónarsemi en það virðast því miður ekki vera eiginleikar sem prýða núverandi menntamálaráðherra enda þarf vart að taka það fram að engar af þessum hugmyndum hafa hlotið náð fyrir augum hans. Þess í stað veður hann áfram eins og naut í flagi. Hingað til hefur hann getað skákað í skjóli áhugalítillar stjórnarandstöðu en megi umræður á þingi í síðustu viku láta gott á vita. Viltu birta grein á Vísi? Sendu okkur póst. Senda grein Mest lesið Halldór 01.06.2024 Halldór Svona getum komið í veg fyrir að Katrín vinni Björn B. Björnsson Skoðun Ástþór Magnússon í spádómum? Gunnar Karl Halldórsson Skoðun Hvort vilt þú Höllu Tómasdóttur eða Katrínu? Björn Björnsson Skoðun Má Katrín Jakobsdóttir bjóða sig fram? Jón Ólafsson Skoðun Hatur og fyrirlitning Einar Scheving Skoðun Yfirtaka orðræðunnar (e. hijacking) Sóley Tómasdóttir Skoðun Barnapíu á Bessastaði! Karl Sigurðsson Skoðun Halla Tómasdóttir og Sólskinsdrengurinn Margrét Dagmar Ericsdóttir Skoðun Persónan Katrín Jakobsdóttir Sólveig Hildur Björnsdóttir Skoðun Skoðun Skoðun Ég kýs Michael Jordan (Höllu Hrund Logadóttur) Óskar Arnarson skrifar Skoðun Ástæður til að kjósa Jón Gnarr Helgi Hrafn Gunnarsson skrifar Skoðun Viddi, Bósi Ljósár og Baldur Þórhalls Heimir Hannesson skrifar Skoðun Gerum það! Stefán Hilmarsson skrifar Skoðun Bónaður brjóstkassi og barnaafmæli Þorbjörg Marínósdóttir skrifar Skoðun Gleðilegan kosningadag kæru landsmenn Snorri Ásmundsson skrifar Skoðun Hæfasti einstaklingurinn Hjörtur J. Guðmundsson skrifar Skoðun Verðmætin og sköpunarkraftur sá sem í mannauð okkar býr Pétur Már Halldórsson skrifar Skoðun Hvort vilt þú Höllu Tómasdóttur eða Katrínu? Björn Björnsson skrifar Skoðun Svona velur þú þér forseta í dag Kolbeinn Karl Kristinsson skrifar Skoðun Takk, Katrín Guðrún Hrefna Guðmundsdóttir skrifar Skoðun Hatur og fyrirlitning Einar Scheving skrifar Skoðun Samherjar Hafþór Reynisson skrifar Skoðun Að hitta hetjuna sína Gréta Kristín Ómarsdóttir skrifar Skoðun Einstakt tækifæri Þóra Valný Yngvadóttir skrifar Skoðun Um afrekskonuna Katrínu Tómas Ísleifsson skrifar Skoðun Land míns föður, land minnar móður, landið mitt Jón Gnarr skrifar Skoðun Óskað eftir forseta sem færir ungu fólki völd Valgerður Eyja Eyþórsdóttir skrifar Skoðun Með ósk um velgengni, Halla Hrund Viðar Hreinsson skrifar Skoðun Ég styð Höllu Hrund Logadóttur Þórólfur Árnason skrifar Skoðun Arnar Þór Jónsson Meyvant Þórólfsson skrifar Skoðun Að skreyta sig með stolnum fjöðrum Sema Erla Serdaroglu skrifar Skoðun Opið bréf til Jóns Ólafssonar heimspekings Tómas Ísleifsson skrifar Skoðun Persónan Katrín Jakobsdóttir Sólveig Hildur Björnsdóttir skrifar Skoðun Þjóðaröryggi Magnús Guðmundsson skrifar Skoðun Tóbak markaðssett fyrir ungt fólk Guðlaug B. Guðjónsdóttir skrifar Skoðun Forsetinn, NATÓ, ýsan og blokkin Guðfinnur Sigurvinsson skrifar Skoðun „Svona er á síld“ Stefán Hilmarsson skrifar Skoðun Aldrei hitta hetjurnar þínar Skarphéðinn Guðmundsson skrifar Skoðun Yfirtaka orðræðunnar (e. hijacking) Sóley Tómasdóttir skrifar Sjá meira
Ef velja ætti einkennisdýr núverandi ríkisstjórnar og þingmeirihluta þá væri það tvímælalaust freki karlinn, nú, eða kerlingin. Það eru engu líkara en það sé ráðherrum og þingmönnum stjórnarinnar sérstakt áhugamál að bola málum sínum í gegn í bullandi ágreiningi við sem flesta, einkum þó fagfólk og þá sem mest vit hafa á málaflokknum. Af nógu er að taka, náttúrupassi, Fiskistofa, rammaáætlun svo eitthvað sé talið. Einn af freku köllunum hefur þó til þessa komist hjá því að kastljósinu væri beint að verkum hans en það er menntamálaráðherra, mest er það þó vegna sofandaháttar stjórnarandstöðunnar. Hjá honum er allt á sömu bókina lært og hjá öðrum ráðherrum, verið er að gera grundvallarbreytingar á skólakerfinu án nokkurrar umræðu, samvinnu eða samráðs við þá sem þar eiga að vinna. Þar má nefna niðurskurð á námi fyrir þá sem eru 25 ára og eldri, niðurskurð á námi til stúdentsprófs um eitt ár og svo nú síðast sameining nokkurra framhaldsskóla sem, ef að líkum lætur, mun leiða til þess að þeir minnstu verða lagðir niður. Þetta síðasta er gert án nokkurs samráðs við þau sveitarfélög sem að málinu koma. Allar munu þessar breytingar leiða til einsleitari, fábreyttari og þar með verri framhaldsskóla.Sveigjanleg mörk Nú er það svo að lítill sem enginn ágreiningur er um að æskilegt sé að sem flest ungmenni fái tækifæri til að útskrifast með stúdentspróf 18 til 19 ára gömul og til þess eru ýmsar aðferðir án þess að skera niður nám eða rústa skólum. Lausnin er einfaldlega fólgin í samvinnu grunnskóla- og framhaldsskólastigsins og að mörkin þar á milli séu sveigjanleg. Ýmsar leiðir koma til greina við þetta verk. Þar má nefna að þétta efri bekki grunnskólans og flytja þangað framhaldsskólaáfanga og mun það hafa verið gert á nokkrum stöðum. Til þess að svo geti orðið þarf hins vegar kennara með næga menntun til að kenna framhaldsskólaáfanga í grunnskólum og þar gæti hnífurinn staðið í kúnni, að minnsta kosti sums staðar. Einnig kæmi til greina að taka þá nemendur sem til þess hafa þroska inn í framhaldsskóla árinu fyrr, eftir 9. bekk, og samkenna námsefni 10. bekkjar og fyrstu áfangana í framhaldsskólanum næstu tvö árin. Þetta kerfi gæti hentað víða í Reykjavík. Til dæmis gæti Fjölbrautaskólinn í Breiðholti tekið við nemendum sem slíkt nám hentar úr öllum fjórum Breiðholtsskólunum. Með þessu vinnst einkum það að óþarfi er að skera niður nám til stúdentsprófs, íslenska stúdentsprófið myndi því halda áfram að standa fyrir sínu. Sveitarfélögunum ætti einnig að standa á sama hvort þau kosta nemendur í 10. bekkjarnám í næsta framhaldsskóla eða grunnskóla, það kemur fjárhagslega út á eitt. Til þess að hrinda þessu í framkvæmd þarf aðeins samvinnu, samræður, skynsemi og útsjónarsemi en það virðast því miður ekki vera eiginleikar sem prýða núverandi menntamálaráðherra enda þarf vart að taka það fram að engar af þessum hugmyndum hafa hlotið náð fyrir augum hans. Þess í stað veður hann áfram eins og naut í flagi. Hingað til hefur hann getað skákað í skjóli áhugalítillar stjórnarandstöðu en megi umræður á þingi í síðustu viku láta gott á vita.