Innlent

Mikill viðbúnaður við flutning í hylki úr Fossvogi á Hringbraut

Kolbeinn Tumi Daðason skrifar
Sjúklingurinn fluttur í flutningabíl þaðan sem honum var ekið á Landspítalann við Hringbraut.
Sjúklingurinn fluttur í flutningabíl þaðan sem honum var ekið á Landspítalann við Hringbraut. Landspítalinn/Þorkell

Á dögunum var sjúklingur með Covid-19 sjúkdóminn í fyrsta skipti fluttur frá gjörgæsludeild Landspítala í Fossvogi til gjörgæsludeildar spítalans við Hringbraut. Frá þessu er greint á vefsíðu Landspítalans.

Mikill viðbúnaður var á spítalanum vegna þessa flutnings. Notað var sérstakt einangrunarhylki, sem gjarnan er kallað „húdd“ af fagfólki. 

Með notkun hylkis af þessu tagi er tryggt að smitaðir einstaklingar smiti ekki aðra við flutning. Enn fremur varnar hylkið því að einstaklingar sem eru veikir fyrir smitist við flutning milli deilda eða stofnana. 

Sérstaklega er gætt að öryggi sjúklinga við flutningana með þar til gerðum öryggisbúnaði eins og loftflæðis- og loftgæðanemum, festingum á hylkinu við notkun og öryggisbeltum fyrir sjúklinginn. 

Einnig er öryggi þeirra sem vinna með hylkið tryggt. Húddin uppfylla öryggisstaðla til notkunar á sóttvarnardeildum, í sjúkrabifreiðum, flugvélum og þyrlum. 

Þorkell Þorkelsson, ljósmyndari Landspítala, skrásetti flutninginn af sínu einstaka innsæi eins og segir á Facebook-síðu Landspítalans.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.