Innlent

Aftakaveður í dag og ófært víða

Samúel Karl Ólason skrifar
Víða um landið er ófært eftir nóttina og opnar ekki fyrr en liðið er á daginn og versta veðrið yfirstaðið.
Víða um landið er ófært eftir nóttina og opnar ekki fyrr en liðið er á daginn og versta veðrið yfirstaðið. Veðurstofa Íslands

Norðaustan stormur eða rok verður í dag og mikil snjókoma víða um land. Veðurstofa Íslands hefur gefið út appelsínugular viðvaranir um landið allt og en veðrið mun byrja að skána sunnan- og austantil síðdegis og í kvöld. Nú þegar er orðið ófært víða og er ekki ferðaveður.

Veðurstofan spáir norðaustan 20 til 28 metrum á sekúndu í dag og talsverðri snjókomu. Frost 2 til tíu stig og kaldast fyrir norðan. Gul viðvörun er í gildi á höfuðborgarsvæðinu.

Á morgun snýst í hægari suðaustanátt með rigningu og þá mun hlýna á sunnan- og austanverður landinu seinnipartinn. Hlýna mun á Norðvesturlandi í fyrramálið.

Víða um landið er ófært eftir nóttina og opnar ekki fyrr en liðið er á daginn og versta veðrið yfirstaðið. Til að mynda er lokað um Hellisheiði, Þrengsli, Suðurstrandarveg og Mosfellsheiði, samkvæmt Vegagerðinni. EKkert ferðaveður er á Suðurlandi og lokað undir Eyjafjöllum. Í uppsveitum er ófært.

Veður Samgöngur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið