Selena Gomez og Adidas

Söngkonan Selena Gomez er þekkt fyrir meira en ljúfu söngröddina en hún þykir einnig vera ein fallegasta stúlkan í tónlistarbransanum í dag.

Hefur hin unga tónlistarkona nú gengið til liðs við vörumerkið Adidas fyrir nýja tískulínu merkisins.

Ekki einungis mun hún sitja fyrir á ljósmyndum af nýju línunni heldur er hún einnig gestahönnuður og mun því fá að setja sinn svip á nýju línuna.

Við fyrstu sýn má sjá ýmislegt fallegt í fatalínunni, meðal annars ermalausar gallaskyrtur og svonefnda bomber-jakka en ljóst er að unga tónlistarkonan er á uppleið á fleiri sviðum en bara tónlistinni.