Darrell Flake til Þorlákshafnar

Þórsarar hafa fengið liðsstyrk fyrir komandi leiktíð en Darrell Flake hefur gengið til liðs við félagið. Þetta sagði Bendedikt Guðmundsson, þjálfari liðsins, við karfan.is.

Flake fékk íslenskan ríkisborgararétt í fyrra en fyrirséð er að nýjar reglur muni breyta landslaginu í körfuboltanum næstu leiktíð. Þá verður félögum í efstu deild aðeins heimilt að tefla fram tveimur erlendum leikmönnum á vellinum í einu.

Flake spilaði með Skallagrími í 1. deildinni á síðustu leiktíð en liðið tryggði sér þá þátttökurétt í Iceland Express-deildinni.

Benedikt sagði að Blagoj Janev myndi ekki koma aftur til liðsins og því hafi verið leitað til Blake. „Ég hef þjálfað Flake áður og það er fínt að fá hann í þetta verk," sagði Benedikt en viðtalið má lesa í heild sinni hér.

Þá kom fram að Guðmundur Jónsson og Darri Hilmarsson muni áfram spila með Þór á næstu leiktíð. Þór komst alla leið í lokaúrslit Iceland Express-deildar karla á nýliðinni leiktíð en tapaði þá fyrir Grindavík.