Sportið í dag: Formaður FRÍ, Rúnarssynir, Arnór Atla, Lovísa og hestar

Kjartan Atli Kjartansson og Henry Birgir Gunnarsson fara um víðan völl í Sportinu í dag. Þátturinn hefst að venju klukkan 15:00 á Stöð 2 Sport.

Freyr Ólafsson, formaður Frjálsíþróttasambands Íslands, sest í stólinn og fer yfir málefni hreyfingarinnar. 

Handboltabræðurnir Sigtryggur Daði og Andri Már Rúnarssynir verða í viðtali en þeir eru komnir í ný lið. 

Arnór Atlason, nýráðinn þjálfari danska U-18 ára landsliðsins, verður á línunni. 

Einnig verður rætt við Lovísu Björt Henningsdóttur körfuboltakona og Telma Tómasson segir okkur frá lokamóti Equsana-deildarinnar í hestaíþróttum sem verður í beinni á Stöð 2 Sport í kvöld. Þetta og meira til í Sportinu í dag.