Þau sóttu um stöðu hafnar­stjóra Faxa­flóa­hafna

Alls sóttu 26 manns um starfs hafnarstjóra Faxaflóahafna sem auglýst var um umsóknar í síðasta mánuði. Nýr hafnarstjóri mun taka við stöðunni af Gísla Gíslasyni sem óskaði eftir að láta af störfum í febrúar síðastliðinn.

Listi yfir umsækjendur hefur verið birtur á vef Faxaflóahafna en hæfnisnefnd mun nú annast viðtöl og annan undirbúning tillögugerðar til stjórnar Faxaflóahafna.

„Nú tekur við ferli við að meta og velja úr umsækjendum í samræmi við samþykkt stjórnar á dögunum – undir verkstjórn ráðningarstofu Hagvangs í samvinnu við hæfnisnefndina,“ segir í tilkynningunni.

Að neðan má sjá lista yfir umsækjendur þar sem tiltekinn er núverandi eða þá síðasti vinnuveitandi.

• Áslaug Eir Hólmgeirsdóttir, fyrrverandi fiskistofustjóri
• Baldur Steinn Helgason, verkefnisstjóri hjá Jónar Transport
• Daði Jóhannesson, framkvæmdastjóri Hringrásar
• Einar Guðmundsson, skipstjóri
• Erna Kristjánsdóttir, markaðs- og gæðastjóri Faxaflóahafna
• Eyjólfur Vilberg Gunnarsson, forstöðumaður hjá Arion banki
• Frans Páll Sigurðsson, framkvæmdastjóri
• Guðmundur Gunnarsson, fyrrverandi bæjarstjóri Ísafjarðarbæjar
• Gunnar Tryggvason, aðstoðarhafnarstjóri Faxaflóahafna
• Haukur Óskarsson, framkvæmdastjóri Refskeggs ehf.
• Jóhann F. Helgason, framkvæmdastjóri tæknisviðs hjá PCC BakkiSilicon hf.
• Jón Einar Sverrisson, sviðsstjóri hjá Icelandair
• Kristinn Jón Arnarson, verkefnastjóri hjá Skaginn3X / Skaginn hf
• Kristinn Uni Unason vélfræðingur
• Kristófer Ragnarsson, framkvæmdastjóri Kers
• Magnús Þór Ásmundsson, forstjóri Alcoa Fjarðaáls
• Ólafur William Hand ráðgjafi
• Óskar Örn Jónsson, forstöðumaður framkvæmdadeildar Vegagerðarinnar
• Páll Hermannsson, framkvæmdastjóri hjá Al-Bahar Kuwait Holding
• Páll Sigvaldason, hópstjóri framleiðslu hjá Völku
• Reynir Jónsson, sérfræðingur og verkefnastjóri stefnumótunar í umhverfis- og auðlindaráðuneyti
• Róbert Ragnarsson, framkvæmdastjóri hjá RR ráðgjöf
• Sigríður Ingvarsdóttir, forstjóri Nýsköpunarmiðstöðvar Íslands
• Stefán Stefánsson, framkvæmdastjóri verktakasviðs Íslenska gámafélagsins
• Svavar Halldórsson framkvæmdastjóri/ráðgjafi/háskólakennari
• Valdimar Björnsson, fjármálastjóri hjá Arctic Adventures

Faxaflóahafnir á og rekur fjórar hafnir - Reykjavíkurhöfn, Grundartangahöfn, Akraneshöfn og Borgarneshöfn. Faxaflóahafnir sf. er sameignarfélag í eigu fimm sveitarfélaga, Reykjavíkurborgar, Akraneskaupstaðar, Hvalfjarðarsveitar, Skorradalshrepps og Borgarbyggðar.