Ráku fyrirliðann mánuði eftir ölvunarakstur

Derby hefur ákveðið að reka varnarmanninn, Richard Keogh, mánuði eftir að hann og liðsfélagar hans voru teknir keyrandi undir áhrifm áfengis.

Keogh var ásamt liðsfélögum sínum, Mason Bennett og Tom Lawrence, úti á lífinu en þeir ákváðu svo að keyra heim sem endaði í hörkuárekstri.

Leikmennirnir þrír meiddust allir í árekstrinum og hafa verið á meiðslalistanum. Allir sögðust þeir vera miður sín yfir atvikinu en Keogh var fyrirliði liðsins.

Hann fékk tilboð um að lækka samning sinn á meðan hann væri á meiðslalistanum vegna árekstursins eða hann yrði látinn fara.

Derby County have terminated the contract of defender Richard Keogh with immediate effect for gross misconduct following a disciplinary hearing

— Sky Sports News (@SkySportsNews) October 30, 2019

Keogh, sem lék með Víkingi Reykjavík á sínum tíma, vildi ekki lækka samning sinn og því ákvað Derby að segja upp samningi sínum en ekki er líklegt að Keogh spili aftur fótbolta fyrr en í desember 2020.

Keogh hafði leikið 356 leiki á átta leiktíðum með Derby en hann fór meðal annars með liðinu í umspil á síðustu leiktíð um laust sæti í ensku úrvalsdeildinni.