Spennandi matarmarkaður í Laugardalnum

„Við ætlum að skapa frábæra útistemmingu með góðum mat og skemmtilegum uppákomum. Verkefnið var kosið í hverfakosningunni Hverfið mitt, 2018 og í framhaldinu var ákveðið að skella í viðburð,“ segir Róbert Aron Magnússon hjá Reykjavík Street Food en Reykjavík Street Food stendur fyrir spennandi matarmarkaði í Laugardalnum tvær næstu helgarnar í júlí, í samstarfi við Reykjavíkurborg.

Yfir tuttugu söluaðilar koma að markaðnum og verður úrvalið eftir því. Gourmet gúmmulaði beint frá býli, tilbúnir réttir, spennandi matarvagnar, vegan og ótal margt fleira gott.

„Við reiknum með sex eða sjö ólíkum matarvögnum í bland við fjölbreytta sölubása með allskonar nýjungar á boðstólnum. Ýmis skemmtiatriði verða á svæðinu, og hafa nú JóiPé og Króli staðfest komu sína á markaðinn 7. júlí og munu taka nokkur lög fyrir gesti.  Fleiri atriði verða síðan kynnt á næstu dögum. Þetta verður skemmtilegt fyrir alla en Kátt á Klambra sér um afþreyingu fyrir krakkana. Markaðurinn verður við suðurenda áhorfendastúkunnar hjá KSÍ og ef veðrið verður okkur ekki hliðhollt getum við fært okkur inn fyrir. Gestir verða því alltaf í skjóli,“ segir Róbert.

Matarmarkaðurinn verður haldinn dagana 6. – 7. júlí og 13. – 14. júlí og verður opið frá 12 til 18 alla dagana.

Þeir sem taka þátt eru: Reykjavik Chips, Tacoson, Gastro Truck, Lobster Hut, Tasty, Fish And Chips Vagon, Viking Trukkur, Prikið, Kvörn, Pönnukökuvagninn, Bakkfiskur, Kombucha Iceland, Bera Hot Sauce, Sælkerasinnep Svövu, Frú Lauga, Nordic Wasabi, Kátt á Klambra, Bændur í Bænum og Jömm / Veganmatur.

Reykjavík Street Food er á facebook.       

Þessi kynning er unnin í samstarfi við Reykjavík Street Food.