Ljónin hans Kristjáns án sigurs í þremur leikjum í röð

Rhein-Neckar Löwen tapaði fyrir Füchse Berlin, 23-22, í þýsku úrvasldeildinni í handbolta í dag.

Alexander Petersson skoraði þrjú mörk úr jafn mörgum skotum fyrir Löwen.

Hans Lindberg kom Füchse Berlin yfir, 23-22, með marki úr hægra horninu.

Kristján Andrésson, þjálfari Löwen, tók leikhlé og stillti upp í lokasóknina. Hún endaði með skoti Andys Schmid sem Dejan Milosavljev varði. Hann varði alls 14 skot í leiknum, þar af þrjú víti.

Strákarnir hans Kristjáns eru án sigurs í síðustu þremur deildarleikjum sínum.

Löwen er í 7. sæti með 14 stig, fimm stigum á eftir toppliði Hannover-Burgdorf. Füchse Berlin er í 8. sætinu, einnig með 14 stig.