Miklu meiri hetjudáð að sigrast á fíknivanda en að hjóla þvert yfir landið Margrét Helga Erlingsdóttir skrifar 7. ágúst 2019 13:45 Rannsóknarlögreglumaður á Austurlandi ætlar að hjóla og hlaupa fyrir samtök sem hann segir hafa bjargað lífi dóttur sinnar. Aðsent Óskar Þór Guðmundsson, rannsóknarlögreglumaður á Austurlandi, ætlar að hjóla þvert yfir landið á reiðhjólinu sínu og ljúka túrnum á tíu kílómetra hlaupi í Reykjavíkurmaraþoninu 24. ágúst. Hann stefnir á brottför næsta laugardag. Þetta gerir hann til að styrkja félagasamtökin Samhjálp sem reka meðal annars meðferðarheimili og styðja við þá einstaklinga sem eiga um sárt að binda. Björguðu lífi dóttur hans „Þetta er bara eitt af þeim félagasamtökum sem bjarga lífum ungs fólks á íslandi. Ég þekki það bara af eigin reynslu vegna þess að dóttir mín var hætt komin af neyslu fíkniefna. Hún komst að hjá þeim í meðferð þannig að ég hef bara sagt, hún var það illa farin, að þau hafa bara bjargað lífi hennar,“ segir Óskar Þór í samtali við fréttastofu. Það var einmitt dóttir hans sem skoraði á hann að skrá sig í Reykjavíkurmaraþonið í fyrra. Í dag hefur dóttir hans verið edrú í þrjú ár og þrjá mánuði og vegnar vel í lífinu. Hún starfar á hjúkrunarheimili og er í sjúkraliðaskólanum. „Sumir hafa verið að vorkenna mér að vera að leggja það á mig að hjóla yfir Ísland. Ég hef nú bara sagt að það er engin hetjudáð fólgin í því að setjast upp á hjól og hjóla um hálendið. Það er hetjudáð fólgin í því að komast út úr svona fíknivanda,“ segir Óskar Þór. Kerfið verði að geta gripið fólk þegar það er tilbúið Fólk í fíknivanda þurfi að sýna þrautseigju og mikla ákveðni. „Þú þarft að vera rosalega ákveðinn því það er engin tilfinning, virðist vera, sterkari en ákallið eftir næsta skammti. Maður hefur svo oft séð það að fólk sem á við þennan vanda að stríða að það er alveg sama hvað þú segir við það eða gerir fyrir það; það er bara næsti skammtur sem skiptir máli. Fyrir utan það að þegar menn stíga svo skrefið að þá er vanlíðanin í ákveðinn tíma á eftir nær óbærileg,“ útskýrir Óskar Þór. Þess vegna sé mikilvægt að fólk komist strax í meðferð um leið og það finnur að það sé tilbúið að snúa við blaðinu og verða edrú. „Við erum bara, sem þjóð, alls ekki að gera nógu vel í þessum málaflokki. Við erum svolítið bundin af því að reyna að stoppa sölu á einhverjum lyfseðilsskyldum lyfjum eða við erum að reyna að ná í fíklana áður en þeir fara að setja ofan í sig dópið en þegar fólkið er tilbúið að fá aðstoð þá þarf hún að vera til.“ Óskar Þór segir að biðtíminn sé allt of langur. „Ef þú vilt komast í meðferð og er í fíknivanda þá geturðu hringt og beðið um aðstoð og þú þarft að bíða svona kannski frá þremur vikum og upp í þrjá mánuði til að komast inn og á hvaða stað ertu þá?“ Óskar Þór ætlar að hjóla þvert yfir landið en eiginkona hans ætlar að keyra á undan honum með jeppa.Óskar Þór Það eiga ekki allir gott bakland Óskar Þór segist sem betur fer getað komið dóttur sinni að í meðferð hjá Samhjálp tiltölulega fljótlega eftir að hún lýsti því yfir að hún vildi verða edrú. Hún hafi einungis þurft að bíða í um tíu daga. „Ég gat hugsað um hana þangað til þannig að í því tilfelli slapp það til því hún á gott bakland en það eiga það ekki allir.“ Óskar Þór segir að til þess að koma í veg fyrir dauðsföll af völdum fíkniefna þurfi fyrst og fremst að bæta aðgengi að meðferðarúrræðum. Það sé verkefni ríkisins og okkar allra. „Ég hef þá skoðun að þegar fólk er búið að sýna ákveðinn árangur í bataferli þá væri voða gott ef þú gætir losnað við eitthvað af bagganum sem fylgir,“ segir Óskar Þór. Margir hafi dóma á bakinu fyrir afbrot sem fylgi fíkniefnalíferninu. „Það fylgir þér bara fram yfir gröf og dauða. Ég myndi vilja sjá svona, að ef þú hefur verið edrú í einhvern tíma þá sé þetta bara þurrkað út.“ Óskar Þór segist vera einstaklega vel giftur en eiginkona hans ætlar að „skrölta“ á undan honum á jeppa í hjólaferðalaginu. „Hún ætlar að sjá til þess að mér verði ekki kalt á kvöldin og svona. Þetta er bara lúxusferðalag.“ Hér er hægt að heita á Óskar Þór. Hjólreiðar Hlaup Reykjavíkurmaraþon Meðferðarheimili Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Eldinum í bílnum fylgdi heljarinnar sprenging Innlent Endurnýja spá um lok umbrota við Grindavík Innlent Búast má við slyddu Veður Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent Ísraelsmenn vísa fréttamönnum á dyr Erlent Forsetavaktin 2024: Hver verður sjöundi forseti lýðveldisins? Innlent Fleiri fréttir „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Tíðindi í kjaradeilu flugvallarstarfsmanna og bein útsending úr Bakgarðshlaupinu Frestun verkfalla kemur til greina „Í fangelsi eins og á Litla-Hrauni gerist allt“ Sáttasemjari boðar til fundar: Fimm dagar til stefnu Orkuskipti, innflytjendalöggjöf og bensínstöðvalóðirnar „Þetta breytti mér mjög mikið sem persónu“ Ný sýn fékk meirihluta Slagsmál enduðu með nefbroti Bíll logaði í Vesturbænum „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu Sjá meira
Óskar Þór Guðmundsson, rannsóknarlögreglumaður á Austurlandi, ætlar að hjóla þvert yfir landið á reiðhjólinu sínu og ljúka túrnum á tíu kílómetra hlaupi í Reykjavíkurmaraþoninu 24. ágúst. Hann stefnir á brottför næsta laugardag. Þetta gerir hann til að styrkja félagasamtökin Samhjálp sem reka meðal annars meðferðarheimili og styðja við þá einstaklinga sem eiga um sárt að binda. Björguðu lífi dóttur hans „Þetta er bara eitt af þeim félagasamtökum sem bjarga lífum ungs fólks á íslandi. Ég þekki það bara af eigin reynslu vegna þess að dóttir mín var hætt komin af neyslu fíkniefna. Hún komst að hjá þeim í meðferð þannig að ég hef bara sagt, hún var það illa farin, að þau hafa bara bjargað lífi hennar,“ segir Óskar Þór í samtali við fréttastofu. Það var einmitt dóttir hans sem skoraði á hann að skrá sig í Reykjavíkurmaraþonið í fyrra. Í dag hefur dóttir hans verið edrú í þrjú ár og þrjá mánuði og vegnar vel í lífinu. Hún starfar á hjúkrunarheimili og er í sjúkraliðaskólanum. „Sumir hafa verið að vorkenna mér að vera að leggja það á mig að hjóla yfir Ísland. Ég hef nú bara sagt að það er engin hetjudáð fólgin í því að setjast upp á hjól og hjóla um hálendið. Það er hetjudáð fólgin í því að komast út úr svona fíknivanda,“ segir Óskar Þór. Kerfið verði að geta gripið fólk þegar það er tilbúið Fólk í fíknivanda þurfi að sýna þrautseigju og mikla ákveðni. „Þú þarft að vera rosalega ákveðinn því það er engin tilfinning, virðist vera, sterkari en ákallið eftir næsta skammti. Maður hefur svo oft séð það að fólk sem á við þennan vanda að stríða að það er alveg sama hvað þú segir við það eða gerir fyrir það; það er bara næsti skammtur sem skiptir máli. Fyrir utan það að þegar menn stíga svo skrefið að þá er vanlíðanin í ákveðinn tíma á eftir nær óbærileg,“ útskýrir Óskar Þór. Þess vegna sé mikilvægt að fólk komist strax í meðferð um leið og það finnur að það sé tilbúið að snúa við blaðinu og verða edrú. „Við erum bara, sem þjóð, alls ekki að gera nógu vel í þessum málaflokki. Við erum svolítið bundin af því að reyna að stoppa sölu á einhverjum lyfseðilsskyldum lyfjum eða við erum að reyna að ná í fíklana áður en þeir fara að setja ofan í sig dópið en þegar fólkið er tilbúið að fá aðstoð þá þarf hún að vera til.“ Óskar Þór segir að biðtíminn sé allt of langur. „Ef þú vilt komast í meðferð og er í fíknivanda þá geturðu hringt og beðið um aðstoð og þú þarft að bíða svona kannski frá þremur vikum og upp í þrjá mánuði til að komast inn og á hvaða stað ertu þá?“ Óskar Þór ætlar að hjóla þvert yfir landið en eiginkona hans ætlar að keyra á undan honum með jeppa.Óskar Þór Það eiga ekki allir gott bakland Óskar Þór segist sem betur fer getað komið dóttur sinni að í meðferð hjá Samhjálp tiltölulega fljótlega eftir að hún lýsti því yfir að hún vildi verða edrú. Hún hafi einungis þurft að bíða í um tíu daga. „Ég gat hugsað um hana þangað til þannig að í því tilfelli slapp það til því hún á gott bakland en það eiga það ekki allir.“ Óskar Þór segir að til þess að koma í veg fyrir dauðsföll af völdum fíkniefna þurfi fyrst og fremst að bæta aðgengi að meðferðarúrræðum. Það sé verkefni ríkisins og okkar allra. „Ég hef þá skoðun að þegar fólk er búið að sýna ákveðinn árangur í bataferli þá væri voða gott ef þú gætir losnað við eitthvað af bagganum sem fylgir,“ segir Óskar Þór. Margir hafi dóma á bakinu fyrir afbrot sem fylgi fíkniefnalíferninu. „Það fylgir þér bara fram yfir gröf og dauða. Ég myndi vilja sjá svona, að ef þú hefur verið edrú í einhvern tíma þá sé þetta bara þurrkað út.“ Óskar Þór segist vera einstaklega vel giftur en eiginkona hans ætlar að „skrölta“ á undan honum á jeppa í hjólaferðalaginu. „Hún ætlar að sjá til þess að mér verði ekki kalt á kvöldin og svona. Þetta er bara lúxusferðalag.“ Hér er hægt að heita á Óskar Þór.
Hjólreiðar Hlaup Reykjavíkurmaraþon Meðferðarheimili Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Eldinum í bílnum fylgdi heljarinnar sprenging Innlent Endurnýja spá um lok umbrota við Grindavík Innlent Búast má við slyddu Veður Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent Ísraelsmenn vísa fréttamönnum á dyr Erlent Forsetavaktin 2024: Hver verður sjöundi forseti lýðveldisins? Innlent Fleiri fréttir „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Tíðindi í kjaradeilu flugvallarstarfsmanna og bein útsending úr Bakgarðshlaupinu Frestun verkfalla kemur til greina „Í fangelsi eins og á Litla-Hrauni gerist allt“ Sáttasemjari boðar til fundar: Fimm dagar til stefnu Orkuskipti, innflytjendalöggjöf og bensínstöðvalóðirnar „Þetta breytti mér mjög mikið sem persónu“ Ný sýn fékk meirihluta Slagsmál enduðu með nefbroti Bíll logaði í Vesturbænum „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu Sjá meira