Viðskipti innlent

Snarpar viðræður við Sigurð G.

Stefán Ó. Jónsson skrifar
Jóhanna Helga Viðarsdóttir, forstjóri Torgs.
Jóhanna Helga Viðarsdóttir, forstjóri Torgs. Vísir/vilhelm

Jóhanna Helga Viðarsdóttir, forstjóri Torgs, segir að aðdragandinn að kaupum félagsins á eignum Frjálsrar fjölmiðlunar, útgáfufélagi DV, hafi ekki verið langur. Hún gerir ekki ráð fyrir öðru en að DV verði áfram gefið út á prentformi og að starfsmenn sameinaðs félags muni allir starfa á Hafnartorgi. Að öðru leyti vill hún lítið tjá sig um vænt samlegðaráhrif, breytingar á starfsmannahaldi eða annað sem viðkemur rekstri nýja fjölmiðlarisans. Það sé ótímabært, enn sé beðið samþykkis fjölmiðlanefndar og Samkeppniseftirlitsins.



Greint var frá viðskiptunum í morgun en með þeim myndi Torg eignast útgáfuréttinn að DV, vefmiðilinn DV.is auk gagnasafns fjölmiðilsins. Starfsmönnum var tilkynnt um tíðindin á starfsmannafundi í morgun, en samkvæmt heimildum Vísis var tekið fram á fundinum að ekki yrði um eiginlega sameiningu að ræða - bara kaup.



Með kaupunum myndi sameinað félag halda utan um nokkra af víðlesnustu vefmiðlum landsins auk tveggja prentmiðla og sjónvarpsstöðvar. Fari svo að ákveðið verði að sameina vefmiðla DV og Fréttablaðsins, eins og gert var í tilfelli vefmiðla Fréttablaðsins og Hringbrautar í haust, má ætla að til verði einn mest lesni vefmiðill landsins - sé tekið mið af lestrartölum Gallups. 

Það verður margt um manninn í höfuðstöðvunum á Hafnartorgi, ef af samrunanum verður.vísir/vilhelm

Fjölmenna á Hafnartorg

Ekki eru nema þrír mánuðir síðan Torg festi kaup á Hringbraut, sem bjargaði síðarnefnda miðlinum frá gjaldþroti eins og fram kom í gögnum sem skilað var inn til Samkeppniseftirlitsins á sínum tíma. Þar var jafnframt tekið fram að ekki mætti mikið út af bregða til þess að rekstur Fréttablaðsins færi niður fyrir núllið, auk þess sem DV hefur verið rekið með hundruð milljóna tapi á síðustu árum. Sigurður G. Guðjónsson, eigandi Frjálsrar fjölmiðlunar, hefur ekki viljað veita upplýsingar um hver veitti 465 milljóna króna lán til félagsins til að tryggja áframhaldandi starfsemi DV á síðustu árum.



Það er því ljóst að aðdragandinn að kaupum Torgs á Fréttablaðinu hefur ekki verið langur, eins og Jóhanna Helga staðfestir í samtali við Vísi: Viðræðurnar við Sigurð G. voru snarpar. Hún vill þó ekkert gefa upp um hvernig þau hjá Torgi sjái fyrir sér að snúa við þessum brothætta rekstri.

Sigurður G. Guðjónsson, hæstaréttarlögmaður og eigandi Frjálsrar fjölmiðlunar.Stöð 2

Hún segist að sama skapi lítið vilja tjá sig um ástæðurnar fyrir samrunanum á þessum tímapunkti; hvorki þegar kemur að væntum samlegðaráhrifum eða öðrum forsendum. Samkeppnisyfirvöld fái samrunann nú til skoðunar og á meðan vilji hún ekki úttala sig um málið. Þannig segist hún ekki geta rætt framtíðar einstakra eininga, eins og hvort vefmiðlarnir verði raunverulega sameinaðir eða hvort til standi að gera breytingar á útgáfu prentmiðlana. Ekki sé þó gert ráð fyrir neinum stórum breytingum í þeim efnum að svo stöddu.



Þegar kemur að starfsmannamálum segist Jóhanna vænta þess að starfsmenn DV muni flytja úr höfuðstöðvum Dagblaðsins við Suðurlandsbraut í skrifstofur Torgs við Hafnartorg. Sama leið var jafnframt farin þegar Hringbraut gekk inn í Torg og starfar nú allt starfsfólk sameinaðs félags undir sama þaki. Að öðru leyti vill hún ekkert segja um breytingar í þessum efnum; hvorki á starfsmannafjölda né ritstjórastöðum. Á ritstjórn DV er nú á þriðja tug starfsmanna og hjá sameinuðu félagi Torgs og Hringbrautar starfa rúmlega 100 manns.

Tengd skjöl


Tengdar fréttir

Kaup Fréttablaðsins á DV staðfest

Torg ehf sem gefur út Fréttablaðið hefur fest kaup á tilteknum eignum Frjálsrar fjölmiðlunar þar á meðal útgáfuréttinum að DV og vefmiðlinum DV.is ásamt gafnasafni.

DV tapaði 240 milljónum

Útgefandi DV og vefmiðla þess, félagið Frjáls fjölmiðlun ehf., tapaði næstum 240 milljónum króna á síðasta ári




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
2,52
11
167.087
ICESEA
2,41
6
64.330
EIK
1,91
2
20.760
REGINN
1,81
6
19.314
TM
1,35
4
100.425

Mesta lækkun dagsins


Félag
Br.%
Fjöldi
Velta*
ICEAIR
-4,62
14
1.821
LEQ
-3,17
1
495
ORIGO
-0,98
2
878
ARION
-0,15
7
2.482
EIM
0
2
219
Velkomin á Vísi. Þessi vefur notar vafrakökur. Sjá nánar.