Yfirlýsing Kveiks: Höfnuðu fundi með Samherja í London Kolbeinn Tumi Daðason skrifar 13. nóvember 2019 11:21 Kveikur hefur birt öll samskipti sín við Samherja á vef sínum. Ríkisútvarpið Kveikur hefur sent frá sér yfirlýsingu vegna fullyrðinga Þorsteins Más Baldvinssonar þess efnis að Kveikur hafi nálgast Samherja á fölskum forsendum, hafnað fundarbeiðni og ekki sinnt hlutleysisskyldu sinni við vinnslu þáttarins. Hefur RÚV birt öll samskipti sín við Samherja á vef sínum. Í yfirlýsingunni kemur fram að fyrsta viðtalsbeiðni fréttamanna Kveiks hafi verið send Þorsteini Má Baldvinssyni, forstjóra Samherja, þann 15. október með þeim orðum að til stæði „að fjalla um þróunaraðstoð Íslendinga í sjávarútvegi og aukin umsvif íslenskra sjávarútvegsfyrirtækja erlendis.“ Þeirri beiðni hafi verið hafnað samdægurs með þeim orðum að forstjóri Samherja sæi ekki ástæðu til að fara í slíkt viðtal. Lýstu gögnum sem Kveikur hafði undir höndum Önnur viðtalsbeiðni, með ítarlegum útskýringum um efnisatriði og spurningum til Samherja, var svo send 25. október sl. en þar sagði meðal annars: „Meðal gagna sem við byggjum umfjöllunina á eru tölvupóstar, myndir, reikningar og greiðslukvittanir, sem sýna fram á að félög í eigu Samherja hafi greitt aðilum tengdum sjávarútvegsráðherra Namibíu umtalsverðar fjárhæðir fyrir aðgengi að fiskveiðikvóta í landinu.“Þorsteinn Már Baldursson, forstjóri Samherja, sést hér fyrir miðju.Vísir/vilhelmGefinn hafi verið rúmur tími til andsvara í samræmi við vinnureglur fréttastofu RÚV en ekkert svar borist frá Samherja. RÚV hafi svo borist formlegt svar frá Samherja 6. nóvember þar sem fyrirtækið hafi sagst taka fyrirspurn Kveiks alvarlega. Var fréttastjóra RÚV, sem ábyrgðarmanni Kveiks, boðið til fundar í London til að ræða málið og fá bakgrunnsupplýsingar sem Samherji sagðist telja mikilvægar. Gátu ekki fallist á fund í London Í svari fréttastjóra til Samherja 7. nóvember var viðtalsbeiðni Kveiks ítrekuð, fyrirtækinu boðið að svara spurningum skriflega sem og að koma gögnum til þáttarins. Fundarboði Samherja til fréttastjóra í Lundúnum var hins vegar hafnað. Í svari RÚV 9. nóvember var enn ítrekuð viðtalsbeiðni Kveiks til Samherja, boð um að veita skrifleg svör eða að koma gögnum á framfæri. Þar sagði einnig, „...fráleitt að halda því fram að fundarboð til London á bak við luktar dyr teljist eðlilegt eða gegnsætt ferli sem íslenskur fjölmiðill geti fallist á að taka þátt í.“ Frá Thames-ánni við Waterloo-brúna í London. Samherji bauð fréttastjóra RÚV til fundar í London.Vísir/GettySamherji sagði í framhaldinu ástæðu þess að til fundinn ætti að halda í London þá að einnig stæði til að hitta fulltrúa frá Al Jazeera á sama tíma. Sagði Þorsteinn sjálfsagt að hitta fulltrúa RÚV á fundi í Reykjavík og segist í svari sínu 10. nóvember hafa viðkvæmar upplýsingar og upplýsingar um mögulega ólögmæta háttsemi fyrrverandi starfsmanns fyrirtækisins. Starfsmaðurinn var ekki nefndur á nafn en ljóst er nú að um er að ræða Jóhannes Stefánsson, fyrrverandi starfsmann Samherja í Namibíu sem steig fram í Kveiki. Samherji sagði þessum upplýsingum ekki hægt að deila með almenningi að svo stöddu. Féllust ekki á skilyrði Samherja Í svari RÚV mánudaginn 11. nóvember var minnt á að upphaflega viðtalsbeiðnin frá því í október stæði. Var skorað á Samherja að koma gögnum til Kveiks fyrir dagslok. Í bréfinu sagði einnig: „Fréttamenn Kveiks eru, sem fyrr, reiðubúnir að hitta forstjóra Samherja á fundi til að fá svör við spurningum, gögn sem tengjast málinu eða yfirlýsingu frá fyrirtækinu svo koma megi andsvari Samherja á framfæri í fyrirhugaðri umfjöllun. Fundurinn verður hins vegar að vera opinn og gegnsær og ekki háður skilyrðum Samherja.“ Rakel Þorbergsdóttir, fréttastjóri RÚV og ritstjóri Kveiks, segir bréf og tölvupósta staðfesta að Kveikur reyndi ítrekað að leita svara og viðbragða hjá Samherja. Veitti ítarlegar upplýsingar um umfjöllunarefnið og setti fram efnislegar spurningar í viðtalsbeiðni til fyrirtækisins 25. október. „Vinnubrögð RÚV eru fyllilega í samræmi við lögbundar skyldur skv. lögum um Ríkisútvarpið, nr. 23/2013, reglum sem hvíla á blaða- og fréttamönnum og sá tími sem fyrirtækinu gafst til andsvara.“ Fjölmiðlar Samherjaskjölin Mest lesið Ökumaður dráttarvélarinnar fluttur með þyrlu Innlent Fjögurra ára martröð Karlottu lauk með sýknudómi Innlent „Af hverju sit ég einn af öllum þessum mönnum fyrir framan dómara?“ Innlent Vill fá úr skorið hvort „annarlegar hvatir“ liggi að baki sniðgöngunni Innlent Stærsti óttinn varð að veruleika á þriðja degi af 90 Innlent Verzlingar settu upp húfur og skelltu sér til Krítar Innlent Lét öllum illum látum og fær engar bætur Innlent Tjaldaði á túni í miðborg Reykjavíkur Innlent Náðar raunveruleikastjörnur sem sviku tugmilljónir dala út úr bönkum Erlent Fólk flytur á landsbyggðina fyrir ódýrara húsnæði og rólegra umhverfi Innlent Fleiri fréttir Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Sjá meira
Kveikur hefur sent frá sér yfirlýsingu vegna fullyrðinga Þorsteins Más Baldvinssonar þess efnis að Kveikur hafi nálgast Samherja á fölskum forsendum, hafnað fundarbeiðni og ekki sinnt hlutleysisskyldu sinni við vinnslu þáttarins. Hefur RÚV birt öll samskipti sín við Samherja á vef sínum. Í yfirlýsingunni kemur fram að fyrsta viðtalsbeiðni fréttamanna Kveiks hafi verið send Þorsteini Má Baldvinssyni, forstjóra Samherja, þann 15. október með þeim orðum að til stæði „að fjalla um þróunaraðstoð Íslendinga í sjávarútvegi og aukin umsvif íslenskra sjávarútvegsfyrirtækja erlendis.“ Þeirri beiðni hafi verið hafnað samdægurs með þeim orðum að forstjóri Samherja sæi ekki ástæðu til að fara í slíkt viðtal. Lýstu gögnum sem Kveikur hafði undir höndum Önnur viðtalsbeiðni, með ítarlegum útskýringum um efnisatriði og spurningum til Samherja, var svo send 25. október sl. en þar sagði meðal annars: „Meðal gagna sem við byggjum umfjöllunina á eru tölvupóstar, myndir, reikningar og greiðslukvittanir, sem sýna fram á að félög í eigu Samherja hafi greitt aðilum tengdum sjávarútvegsráðherra Namibíu umtalsverðar fjárhæðir fyrir aðgengi að fiskveiðikvóta í landinu.“Þorsteinn Már Baldursson, forstjóri Samherja, sést hér fyrir miðju.Vísir/vilhelmGefinn hafi verið rúmur tími til andsvara í samræmi við vinnureglur fréttastofu RÚV en ekkert svar borist frá Samherja. RÚV hafi svo borist formlegt svar frá Samherja 6. nóvember þar sem fyrirtækið hafi sagst taka fyrirspurn Kveiks alvarlega. Var fréttastjóra RÚV, sem ábyrgðarmanni Kveiks, boðið til fundar í London til að ræða málið og fá bakgrunnsupplýsingar sem Samherji sagðist telja mikilvægar. Gátu ekki fallist á fund í London Í svari fréttastjóra til Samherja 7. nóvember var viðtalsbeiðni Kveiks ítrekuð, fyrirtækinu boðið að svara spurningum skriflega sem og að koma gögnum til þáttarins. Fundarboði Samherja til fréttastjóra í Lundúnum var hins vegar hafnað. Í svari RÚV 9. nóvember var enn ítrekuð viðtalsbeiðni Kveiks til Samherja, boð um að veita skrifleg svör eða að koma gögnum á framfæri. Þar sagði einnig, „...fráleitt að halda því fram að fundarboð til London á bak við luktar dyr teljist eðlilegt eða gegnsætt ferli sem íslenskur fjölmiðill geti fallist á að taka þátt í.“ Frá Thames-ánni við Waterloo-brúna í London. Samherji bauð fréttastjóra RÚV til fundar í London.Vísir/GettySamherji sagði í framhaldinu ástæðu þess að til fundinn ætti að halda í London þá að einnig stæði til að hitta fulltrúa frá Al Jazeera á sama tíma. Sagði Þorsteinn sjálfsagt að hitta fulltrúa RÚV á fundi í Reykjavík og segist í svari sínu 10. nóvember hafa viðkvæmar upplýsingar og upplýsingar um mögulega ólögmæta háttsemi fyrrverandi starfsmanns fyrirtækisins. Starfsmaðurinn var ekki nefndur á nafn en ljóst er nú að um er að ræða Jóhannes Stefánsson, fyrrverandi starfsmann Samherja í Namibíu sem steig fram í Kveiki. Samherji sagði þessum upplýsingum ekki hægt að deila með almenningi að svo stöddu. Féllust ekki á skilyrði Samherja Í svari RÚV mánudaginn 11. nóvember var minnt á að upphaflega viðtalsbeiðnin frá því í október stæði. Var skorað á Samherja að koma gögnum til Kveiks fyrir dagslok. Í bréfinu sagði einnig: „Fréttamenn Kveiks eru, sem fyrr, reiðubúnir að hitta forstjóra Samherja á fundi til að fá svör við spurningum, gögn sem tengjast málinu eða yfirlýsingu frá fyrirtækinu svo koma megi andsvari Samherja á framfæri í fyrirhugaðri umfjöllun. Fundurinn verður hins vegar að vera opinn og gegnsær og ekki háður skilyrðum Samherja.“ Rakel Þorbergsdóttir, fréttastjóri RÚV og ritstjóri Kveiks, segir bréf og tölvupósta staðfesta að Kveikur reyndi ítrekað að leita svara og viðbragða hjá Samherja. Veitti ítarlegar upplýsingar um umfjöllunarefnið og setti fram efnislegar spurningar í viðtalsbeiðni til fyrirtækisins 25. október. „Vinnubrögð RÚV eru fyllilega í samræmi við lögbundar skyldur skv. lögum um Ríkisútvarpið, nr. 23/2013, reglum sem hvíla á blaða- og fréttamönnum og sá tími sem fyrirtækinu gafst til andsvara.“
Fjölmiðlar Samherjaskjölin Mest lesið Ökumaður dráttarvélarinnar fluttur með þyrlu Innlent Fjögurra ára martröð Karlottu lauk með sýknudómi Innlent „Af hverju sit ég einn af öllum þessum mönnum fyrir framan dómara?“ Innlent Vill fá úr skorið hvort „annarlegar hvatir“ liggi að baki sniðgöngunni Innlent Stærsti óttinn varð að veruleika á þriðja degi af 90 Innlent Verzlingar settu upp húfur og skelltu sér til Krítar Innlent Lét öllum illum látum og fær engar bætur Innlent Tjaldaði á túni í miðborg Reykjavíkur Innlent Náðar raunveruleikastjörnur sem sviku tugmilljónir dala út úr bönkum Erlent Fólk flytur á landsbyggðina fyrir ódýrara húsnæði og rólegra umhverfi Innlent Fleiri fréttir Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Sjá meira