Lífstíðar og fimmtán ára fangelsi fyrir að myrða Önu

Tveir táningspiltar hafa verið dæmdir til fimmtán ára fangelsisvistar annars vegar og lífstíðarfangelsis hins vegar fyrir að myrða hina fjórtán ára gömlu Önu Kriégel á hrottalegan hátt í Írlandi í fyrra. Þá voru drengirnir þrettán ára gamlir en þeir eru yngstu aðilar sem hafa verið dæmdir fyrir morð á Írlandi.

Málið hefur vakið mikla athygli og óhug á meðal almennings í landinu enda morðinu ekki lýst á annan hátt en hrottalegu.

Þeir löðuðu Önu í gildru með því að nýta sér þá staðreynd að hún var skotin í öðrum þeirra. Annar þeirra fór með hana á yfirgefin bóndabæ í Dublin þar sem hinn beið. Hann hafði undirbúið sig fyrir það að myrða Önu. Lögreglu grunaði að Ana hefði verið slegin í jörðina með priki um leið og hún kom inn í herbergið á bóndabænum þar sem hún fannst kviknakin nokkrum dögum síðar. Síðan var talið að hún hefði verið slegin fjórum sinnum með steini.

Hún hafði verið barin illa, henni nauðgað og hún kyrkt.

Sjá einnig: Leiddi Önu á yfirgefinn bóndabæ þar sem annar strákur misnotaði hana og myrti



Piltarnir voru sakfelldir í sumar en refsing þeirra var ekki ákveðin í dag. Upprunalega átti það ferli að taka fjórar vikur en dómarinn gaf sér lengri tíma vegna sálfræðimats sem drengirnir, sem nú eru fimmtán ára gamli, fóru í.

Vegna aldurs þeirra hafa nöfn þeirra ekki verið gefin upp. Í frétt Guardian kemur fram að sá sem dæmdur var í lífstíðarfangelsi gæti fengið reynslulausn eftir tólf ár og hinn eftir átta ár.



Dómarinn sagði í dag að mögulega gætu piltarnir verið tiltölulega ungir enn þegar þeir geta losnað úr fangelsi. Þannig fengu þeir mögulega tækifæri til að byggja líf sitt upp á jákvæðan máta.

„Munið þið nýta það? Þið eigið möguleika á framtíð og öðru tækifæri, einhverju sem þið neituðuð Önu á grimmilegan máta,“ sagði dómarinn.