Viðskipti erlent

Twitter ætlar að banna stjórnmálaauglýsingar

Kjartan Kjartansson skrifar
Twitter er fjarri vinsældum Facebook en hefur engu að síður ákveðið að reyna að koma í veg fyrir upplýsingafals með því að banna keyptar stjórnmálaauglýsingar.
Twitter er fjarri vinsældum Facebook en hefur engu að síður ákveðið að reyna að koma í veg fyrir upplýsingafals með því að banna keyptar stjórnmálaauglýsingar. Vísir/EPA

Forstjóri samfélagsmiðilsins Twitter tilkynnti í dag að fyrirtækið ætlaði að banna keyptar auglýsingar um stjórnmálaframboð, kosningar og ýmis pólitísk hitamál. Nýja stefnan á að taka gildi í nóvember en hún kemur í kjölfar harðrar gagnrýni á upplýsingafals sem hefur viðgengist á samfélagsmiðlum.

Hart hefur verið deilt á samfélagsmiðlarisann Facebook undanfarið vegna stefnu fyrirtækisins um að auglýsingar stjórnmálamanna séu undanþegnar staðreyndavakt sem annars konar efni sem greitt er fyrir að deila á miðlinum gengst undir. Stjórnmálamenn hafi þannig einkarétt á að ljúga í Facebook-auglýsingum.

Það varð meðal annars til þess að hópur sem tengist Demókrataflokknum í Bandaríkjunum nýtti sér undanþáguna og keypti auglýsingar á Facebook þar sem þingmaður Repúblikana var ranglega sagður styðja loftslagsstefnuna sem hefur verið nefnd Græna nýja gjöfin. Facebook fjarlægði auglýsinguna og réttlæti það með því að það hafi ekki verið stjórnmálamaður heldur pólitísk aðgerðanefnd sem keypti hana.

Jack Dorsey, forstjóri Twitter, sagði í röð tísta þar sem hann tilkynnti um bannið við pólitískum auglýsingum á miðlinum að pólitísk skilaboð þyrftu að vinna sér inn fyrir því að fara í mikla dreifingu frekar en hægt sé að kaupa hana.

„Stjórnmálaskilaboð hljóta dreifingu þegar fólk ákveður að fylgja reikningi eða áframtísta. Að borga fyrir dreifingu tekur þá ákvörðun frá fólki og þvingar mjög sérsniðin stjórnmálaskilaboð upp á fólk. Við teljum að peningar ættu ekki að spilla fyrir þessari ákvörðun,“ tísti Dorsey.

Vísaði hann til þess að auglýsingar á netinu gætu verið afar áhrifamiklar og gagnlegar fyrir fyrirtæki. Þeim fylgdi hins vegar verulega hætta fyrir stjórnmál þar sem hægt sé að nýta þær til að hafa áhrif á atkvæði sem hefur aftur áhrif á líf milljóna manna.  



Snýst ekki um tjáningarfrelsi

Bannið nær aðeins til keyptra auglýsinga á Twitter en ekki efnis sem einstaklingar birta á eigin reikningum. Þannig hefur það lítil áhrif á stjórnmálamenn eins og Donald Trump Bandaríkjaforseta sem hefur milljónir fylgjenda á miðlinum, að sögn Washington Post.

Dorsey færði rök fyrir því að bannið þyrfti einnig að ná til auglýsinga um pólitísk hitamál, ekki aðeins til frambjóðenda. Með auglýsingum um einstök málefni væri mögulega hægt að komast í kringum bannið við því að frambjóðendur keyptu sér auglýsingar.

„Þetta snýst ekki um tjáningarfrelsi. Þetta snýst um að borga fyrir dreifingu. Og að greiða fyrir að auka dreifingu stjórnmálatjáningar hefur verulegar afleiðingar sem lýðræðislegir innviðir nútímans geta mögulega ekki ráðið við,“ tísti Dorsey.

Stefna Facebook um að leyfa stjórnmálamönnum að ljúga í auglýsingum komst í hámæli eftir að fyrirtækið hafnaði kröfu framboðs Joe Biden, fyrrverandi varaforseta, um að það fjarlægði auglýsingu sem framboð Trump forseta keypti. Í henni sagði Biden að væri fjöldi lyga um hann. Facebook neitaði að fjarlægja auglýsinguna.




Tengdar fréttir

„Ég tel að lygar séu slæmar“

Mark Zuckerberg, stofnandi og forstjóri Facebook, mætti fyrir fjármálanefnd fulltrúadeildar Bandaríkjaþings í dag þar sem ætlunin var að ræða Libra, fyrirhugaðan rafrænan gjaldmiðil. Þingmenn höfðu annað í huga.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
2,55
15
114.080
REGINN
1,72
20
295.203
SKEL
1,04
4
69.880
ICESEA
0,99
14
367.628
SJOVA
0,85
8
137.986

Mesta lækkun dagsins


Félag
Br.%
Fjöldi
Velta*
LEQ
-1,69
1
17.400
ICEAIR
-0,91
10
41.324
ORIGO
-0,8
5
16.128
VIS
-0,69
3
23.720
EIK
-0,69
11
341.177
Velkomin á Vísi. Þessi vefur notar vafrakökur. Sjá nánar.