Viðskipti erlent

„Ég tel að lygar séu slæmar“

Tryggvi Páll Tryggvason skrifar
Mark Zuckerberg stóð í ströngu við að svara spurningum Alexandriu Ocasiu-Cortez.
Mark Zuckerberg stóð í ströngu við að svara spurningum Alexandriu Ocasiu-Cortez. Vísir/Getty

Mark Zuckerberg, stofnandi og forstjóri Facebook, mætti fyrir fjármálanefnd fulltrúadeildar Bandaríkjaþings í dag þar sem ætlunin var að ræða Libra, fyrirhugaðan rafrænan gjaldmiðil. Þingmenn höfðu þó margir hverjir annað í huga og stóð Zuckerberg í ströngu við að svara spurningum nefndarmanna um allt önnur málefni en Libra.

Fremst í flokki var Alexandria Ocasio-Cortez, þingkona demókrata, sem notaði sínar fimm mínútur af spurningatíma til þess að spyrja Zuckerberg hversu langt Facebook myndi ganga í því að ritskoða pólitískar auglýsingar á Facebook sem augljóslega væru byggðar á lygum.

Stefna Facebook er sú að stjórnmálamenn megi beinlínis ljúga í auglýsingum, eitthvað sem demókratar hafa gagnrýnt harðlega að undanförnu.

Spurningar Ocasio-Cortez snerust að mestu leyti um þetta og vildi hún vita hversu langt væri hægt að ganga í að nota auglýsingar á Facebook til þess að koma röngum skilaboðum á framfæri við kjósendur.

Samskipti þeirra má sjá hér að neðan.

Bannað að auglýsa ranga kosningadagsetningu

Spurði Ocasio-Cortez til að mynda hvort hægt væri að birta auglýsingu á Facebook sem miðuð væri að íbúum í hverfum þar sem meirihluti íbúa væru þeldökkur þar sem röng kosningadagsetning væri auglýst.

Svaraði Zuckerberg því að slíkar auglýsingar yrðu teknar niður þar sem stefna Facebook bannaði meðal auglýsingar sem reyndu að hamla kosningaþátttöku.

Spurði þingkonan þá hvort að hún mætti birta auglýsingar sem beindust að Repúblikönum sem væru að taka þátt í forkosningum þar sem fram kæmi að þeir greitt atkvæði með hinu svokallaða Green New Deal, umhverfisstefnu sem Ocasio-Cortez hefur hampað, þrátt fyrir að slíkt væri helber lygi.

„Ég tel að það sé líklegt,“ svaraði Zuckerberg.

„Þú sérð ekkert vandamál við það að engin tilraun sé gerð til þess að sannreyna staðreyndir í pólitískum auglýsingum,“ spurði Ocasio-Cortez þá.

„Þingkona, ég tel að lygar séu slæmar og ég tel að ef þú myndir birta auglýsingu sem innihéldi lygi þá væri það slæmt,“ svaraði Zuckerberg.

Spurði hún þá aftur hvort að Facebook myndi taka niður pólitískar auglýsingar sem innihéldu helberar lygar

„Í flestum tilfellum, í lýðræðisríkjum, tel ég að þegnarnir ættu að geta séð sjálfir hvað stjórnmálamenn, hvort sem þeir hafi kosið þá eða ekki, eru að segja og dæma þá eftir því,“ svaraði Zuckerberg.


Tengdar fréttir

Viðruðu áhyggjur af málefnum Facebook

Forstjóri Facebook fundaði með Bandaríkjaforseta og þingmönnum vegna áhyggja þeirra af ýmsu sem tengist tæknirisanum. Forsetinn lýsti áhyggjum af aðgerðum gegn hatursorðræðu en persónuverndarmál voru líka rædd.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
2,55
15
114.080
REGINN
1,72
20
295.203
SKEL
1,04
4
69.880
ICESEA
0,99
14
367.628
SJOVA
0,85
8
137.986

Mesta lækkun dagsins


Félag
Br.%
Fjöldi
Velta*
LEQ
-1,69
1
17.400
ICEAIR
-0,91
10
41.324
ORIGO
-0,8
5
16.128
VIS
-0,69
3
23.720
EIK
-0,69
11
341.177
Velkomin á Vísi. Þessi vefur notar vafrakökur. Sjá nánar.