Lífið samstarf

Ronaldo heyrði í börnunum koma niður stigann og skipti um stöð

Stöð 2 kynnir
Ronaldo og Piers Morgan.
Ronaldo og Piers Morgan.
Í gærkvöldi sýndi Stöð 2 heimildaþátt um einn vinsælasta íþróttamann heims, Cristiano Ronaldo. Piers Morgan hitti stjörnuna í Tórínó á Ítalíu. Portúgalski knattspyrnumaðurinn er með yfir 180 milljón fylgjendur á Instagram, spilar með ítalska liðinu Juventus  er af mörgum talinn besti fótboltamaður allra tíma og er stöðugt í sviðsljósinu.



Í þessu einstaka og nærgöngula viðtali sem tekið var upp í september síðastliðinn ræðir Piers við Ronaldo um fábrotin uppvaxtarár hans í Madeira í Portúgal. Ronaldo sýnir á sér afar viðkvæma hlið þegar hann sér áður óséð myndbrot af föður Ronaldos sem Piers hafði áskotnast. Raunar grét Ronaldo þegar hann sjá myndbrotið og sagðist aldrei áður hafa grátið í viðtali.

Klippa: Ronaldo leitar að stúlkunum sem gáfu honum aukaborgara á McDonalds




Hann ræðir um samkeppnina milli hans og Lionels Messi og hvað það þarf til að vera enn í sínu besta formi og meðal þeirra bestu í heiminum í sínu fagi kominn á fertugsaldurinn.



Þá greindi hann Piers frá því að hjólhestaspyrnumarkið hans með Real Madrid gegn Juventus væri hans besta á ferlinum, án nokkurs vafa.

Cristiano tjáir sig einnig um fjölskyldu sína og lýsir því þegar hann sat í sófanum heima hjá sér að fylgjast með fréttum og umfjöllunin beindist að honum og því máli. Á sama tíma heyrði hann börnin sín koma niður stigann og skipti um stöð í flýti. Málið var látið niður falla af hálfu stefnanda. 



Piers ræðir við hann um hvaða áhrif þessar alvarlegu ásakanir höfðu á hann og fjölskyldu hans. 



Þetta er í fyrsta skipti sem Ronaldo veitir viðtal af þessu tagi og leyfir áhorfendum að skyggnast inn í líf sitt á svona einlægan hátt.



Þátturinn er nú aðgengilegur á Stöð 2 Frelsi og væntanlegur á Stöð 2 Maraþon. Hann verður síðan sýndu á Stöð 2 Sport annað kvöld klukkan 21:30.

Klippa: Ronaldo á 17 flotta bíla en þeir eru ekki allir þægilegir


Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.