Lífið

Björgólfur Thor með stórleik í Góðum landsmönnum

Stefán Árni Pálsson skrifar
Bjöggi Thor greinilega mjög fínn leikari.
Bjöggi Thor greinilega mjög fínn leikari. vísir/samsett
Fjórði þátturinn af Góðum landsmönnum var á dagskrá Stöðvar 2 í gærkvöldi en þar vakti sérstaka athygli leiksigur Björgólfs Thors Björgólfssonar. Steindi fékk fund við Björgólf og ætlaði hann sér að taka viðtal við auðkýfinginn. Viðtalið stóð reyndar ekki lengi yfir og var aðeins um eina spurningu að ræða.

Bjöggi Thor vildi frekar breyta um umhverfi og gera eitthvað skemmtilegt. Því næst fóru þessir nýju bestu vinir um borgina og skemmtu sér greinilega konungslega. Steindi var reyndar mættur út til London til þess að biðja um fjármagn fyrir kvikmyndina Þorsta en gleymdi reyndar einnig mikilvægari spurningu.

Í þáttunum Góðir Landsmenn sem eru á dagskrá Stöðvar 2 á fimmtudagskvöldum er fylgst með framleiðsluferli myndarinnar sem Steinþór gerir samhliða þess að vera vinna að venjulegum viðtalsþáttum um venjulega Íslendinga.

Steindi og leikhópurinn X eru að framleiða trúarlega gay vampíru sprautusplatter mynd sem verður stranglega bönnuð innan 16 ára. Kvikmyndin ber nafnið Þorsti en eins og staðan er gengur vægast sagt illa að fjármagna kvikmyndina en Steindi telur að það kosti tuttugu milljónir að koma kvikmyndinni í bíóhús landsins og ekki fékk hann þessar milljónir frá Bjögga.

Hér að  neðan má sjá algjöran leiksigur hjá Björgólfi sem kom eflaust mörgum á óvart með frammistöðu sinni.


Tengdar fréttir

Steindi kominn með leikstjóra

"Jæja þá er ég loksins búinn að finna leikstjóra fyrir trúarlegu gay vampíru sprautuklám-thrillerinn ÞORSTA.“

Rosalegt sýnishorn úr gay vampíru sprautufíklamynd Steinda

Í ljós kemur að hér er sannanlega er kvikmynd á leiðinni og meðal þeirra sem koma við sögu eru leikararnir Ingvar E. Sigurðsson, Herra Hnetusmjör, Aron Már Ólafsson, Ólafía Hrönn Jónsdóttir og fjölmargir aðrir.

Steindi safnar fyrir kvikmyndinni

"Hjálpaðu Steinda að hjálpa Hirti (sem er held ég alveg að fara að deyja) og leikhópnum X að gera alvöru bíómynd þar sem þau munu loksins fá að vera í aðalhlutverki. Án ykkar deyr hann gleymdur maður. Viljið þið hafa það á samviskunni?“






Fleiri fréttir

Sjá meira


×