Skoðun
Ingunn Lára Kristjánsdóttir.

Áheyrnarprufur

Ingunn Lára Kristjánsdóttir skrifar

Leikfélagið Flannelpípur lýsir eftir 146 leikurum af öllum stærðum og gerðum fyrir glænýja uppsetningu á íslensku leikriti í Baðhúsinu á Fjólustræti.

Vinsamlegast komið með tvær einræður undirbúnar. Við afþökkum hins vegar eftirfarandi einræður:

„Að vera eða ekki vera?…“ Hamlet, þriðji hluti, fyrsta sena.

„Fólk sem er einmana?…“ Englar í Ameríku, fyrsti hluti, þriðja sena.

„Hjálp, ég er norn á geðlyfjum.“ Norn, fyrsti hluti, önnur sena.

„Ó Rómeó, Rómeó?…“ Rómeó og Júlía, annar hluti, önnur sena.

„Þessar hendur, þessar hendur.“ Sumar í Holtagörðum, þriðji hluti, þriðja sena.

„Nei, Loftur!“ Galdra-Loftur, þriðji hluti, fyrsta sena.

„Gefðu mér Guggur! Gefðu mér Gissur!“ Fiskur í Borg, þriðji hluti, þriðja sena.

„Líkhúsin brenna nafla og búa til cheerios.“ Blokkarkrakkar, annar hluti, fjórða sena.

„…?eins og köttur á heitu þaki!“ Köttur á Heitu þaki, fyrsti hluti, fyrsta sena.

„Ég fann þig bakvið glyrnurnar.“ Í Mexíkó dansa þeir á rafmögnuðum girðingum, annar hluti, önnur sena.

„Hættu að vanrækja mig!“ Búkolla, fyrsti hluti, fyrsta sena.

„Sókrates kann ekki að tefla.“ Skák í mátunarklefa, sjötti hluti, fyrsta sena.

Sendið ferilskrá og svart-hvíta ljósmynd í pósti og stílið á:

Leikfélagið Flannelpípur

Baðhúsinu

Fjólustræti 7



Athugið að við tökum ekki á móti umsóknum í tölvupósti.

Ef leikari fer með áðurnefndar einræður í áheyrnarprufunum verða þeir skotnir á staðnum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Skoðun

Sjá meira


Velkomin á Vísi. Þessi vefur notar vafrakökur. Sjá nánar.