Bílar

BL söluhæsta bílaumboðið í september

Kristinn Ásgeir Gylfason skrifar
Nissan Leaf
Nissan Leaf Nissan
Alls voru 817 fólks- og sendibílar nýskráðir hér á landi ı́ september, tæpum 24% færri en í sama mánuði í fyrra. Af heildarskráningum septembermánaðar voru 230 af merkjum BL, eða rúm 28%. Næst kemst Hekla með 136 bíla um 20% og í þriðja sæti er Brimborg með 123 bíla eða um 18%.



Höfðu alls 10.899 bílar verið nýskráðir á árinu um síðustu mánaðamót. Á sama tíma í fyrra höfðu 17.502 bílar verið nýskráðir og er því fækkun um 37,8% á milli ára.

Sölutölur nýrra bíla í september.Samgöngustofa

32% færri bílaleigubílar það sem af er ári

Nýskráningar bílaleigubíla voru 139 í september, litlu fleiri en í sama mánuði í fyrra þegar þeir voru 121. Nýskráður hafði verið 4.571 bílaleigubíll um síðustu mánaðamót, tæpum 32% færri en á sama tímabili 2018 þegar 6.682 bílar höfðu verið nýskráðir á bílaleigum landsins.

 

Einstaklingar og fyrirtæki

Þeir 182 bílar sem BL seldi til fyrirtækja og einstaklinga í september skiptust niður á tíu framleiðendur. Mest seldist af Nissan eða 51 eintak, þar á eftir af Hyundai með 44 og svo Renault með 34.

Sölutölur frá BL í september.Samgöngustofa

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.