Kvenfélagskonur gegn fatasóun

Kvenfélagskonur stöguðu og stoppuðu í gömul föt og jafnvel leðurhanska fyrir þá sem þess óskuðu í dag eða þurftu á aðstoð að halda. 

Aðrir gátu skipt á notuðum flíkum og jafnvel nælt sér í samkvæmisföt. Kvenfélagsamband Íslands og Leiðbeiningarstöð heimilanna vilja með þessu vekja athygli á því hvernig hægt sé að draga úr fatasóun með einföldum hætti. 

Það var notalegt hjá Kvenfélagsambandi Íslands í dag og Leiðbeiningastöð heimilanna þar sem konur buðu fólki að koma og velja sér notuð föt eða fá viðgerð. Boðið var uppá vöfflur og kaffi og kertaljós.

Brynja Björk Halldórsdóttir kenndi fólki að nýta haustlaufin í fallega kransa.