Erlent

Réttar­meina­fræðingar bera kennsl á 44 lík sem fundust í brunni í Mexíkó

Hallgerður Kolbrún E. Jónsdóttir skrifar
Réttarmeinafræðingar hafa náð að bera kennsl á lík sem fundust í brunni í Jalisco ríki. Myndin tengist fréttinni ekki beint.
Réttarmeinafræðingar hafa náð að bera kennsl á lík sem fundust í brunni í Jalisco ríki. Myndin tengist fréttinni ekki beint. getty/Buda Mendes

Réttarmeinafræðingar í Mexíkó hafa borið kennsl á 44 lík sem grafin voru í brunni í Jalisco ríki. Frá þessu er greint á vef breska ríkisútvarpsins.

Líkin fundust rétt fyrir utan borgina Guadalajara en þau fundust í 119 svörtum pokum. Líkin fundust í byrjun septembermánaðar þegar íbúar á svæðinu fóru að kvarta undan slæmri lykt.

Jalisco ríki er miðstöð eins ofbeldisfyllsta eiturlyfjahrings Mexíkó og er í öðru sæti á þessu ári þegar kemur að líkfundum. Meirihluti líkanna

voru skorin niður sem olli því að yfirvöld þurftu að púsla saman líkamspörtum til að geta borið kennsl á líkin.

Enn hefur ekki verið borið kennsl á stóran hluta líkamshlutanna.

Samtök á svæðinu sem leita fólks sem hefur horfið hafa biðlað til yfirvalda að senda fleiri sérfræðinga til að hjálpa til við að bera kennsl á líkin.

Þau segja réttarmeinadeildina á svæðinu ekki hafa undan og búi ekki yfir nauðsynlegri þekkingu til að ljúka málinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.