Innlent

Veitti Bretum ráð vegna Brexit í beinni á Sky

Stefán Ó. Jónsson skrifar
Forsætisráðherrann fyrrverandi var kallaður Davíð Gunnlaugsson í viðtalinu á Sky.
Forsætisráðherrann fyrrverandi var kallaður Davíð Gunnlaugsson í viðtalinu á Sky.

Sigmundur Davið Gunnlaugsson, formaður Miðflokksins og fyrrverandi forsætisráðherra, hvatti Breta í viðtali á Sky News í morgun til að sækja um tímabundna aðild að Evrópska efnahagssvæðinu eftir að þeir ganga úr Evrópusambandinu, sem forsætisráðherra Bretlands hefur heitið að verði fyrir 31. október næstkomandi.

Sigmundur lýsti reynslu Íslendinga af EES-samningnum, sem hann telur að gæti mildað höggið sem kynni að hljótast af samningslausri útgöngu Breta, og gefi þeim aukið svigrúm til að ná hagstæðum viðskiptasamningum eftir Brexit.

Tæknilegir örðugleikar settu svip á viðtalið við Sigmund og hlaut hann afsökunarbeiðni frá Sky News vegna þessa.

Viðtalið við Sigmund Davíð má sjá í klippunni að neðan en hann var í viðtali klukkan átta í morgun. Spóla þarf til baka í spilaranum en með því að hafa bendilinn fyrir ofan slána má sjá hvað er til umfjöllunar á Sky hverju sinni. Þannig ætti að vera þokkalega auðvelt að finna viðtalið við Sigmund Davíð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.