Íslenski boltinn

Þolinmæði var dyggð hjá Fram gegn Njarðvík

Ingvi Þór Sæmundsson skrifar
Fram hefur unnið tvo af síðustu þremur leikjum sínum.
Fram hefur unnið tvo af síðustu þremur leikjum sínum. vísir/ernir

Fram lyfti sér upp í 5. sæti Inkasso-deildar karla með 2-0 sigri á Njarðvík í Safamýrinni í kvöld.

Bæði mörkin komu undir lok leiks. Á 79. mínútu braut Fred Saraiva ísinn þegar hann nýtti sér slæm varnarmistök Njarðvíkinga.

Þegar sex mínútur voru komnar fram yfir venjulegan leiktíma skoraði Helgi Guðjónsson svo annað mark heimamanna eftir sendingu frá Tiago Fernandes. 

Þetta var tólfta mark Helga í sumar. Hann er næstmarkahæstur í Inkasso-deildinni á eftir Gróttumanninum Pétri Theódóri Árnasyni sem hefur skorað 13 mörk.

Þetta var annar sigur Fram í síðustu tveimur leikjum. Liðið er með 26 stig, fimm stigum frá 2. sætinu.

Njarðvík er hins vegar á botni deildarinnar með ellefu stig, þremur stigum frá öruggu sæti.

Upplýsingar um úrslit og markaskorara eru fengnar frá Fótbolta.net.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.