Verðbólga 3,1 prósent í júlí
Vísitala neysluverðs í júlímánuði mældist 468,8 stig og lækkaði um 0,2 prósent milli mánaða. Tólf mánaða verðbólga er 3,1 prósent en án húsnæðisliðar er hún 2,8 prósent. Þetta kemur fram í tilkynningu frá Hagstofunni.
Þar segir að sumarútsölur leiði til verðlækkunar á fötum og skóm um rúm ellefu prósent. Þá hafi verð á húsgögnum lækkað um rúm níu prósent. Hins vegar hækkuðu flugfargjöld um rúm sex prósent og verð á hótelum og veitingastöðum um tæp tvö prósent.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
