Rafíþróttir

Frozt munu spila undir merkjum rafíþróttadeildar FH

Andri Eysteinsson skrifar
Liðsmenn Frozt vel merktir Fimleikafélaginu.
Liðsmenn Frozt vel merktir Fimleikafélaginu. Mynd/FH

Rafíþróttadeild Fimleikafélags Hafnarfjarðar, FH, hefur samið við eitt besta League of Legends lið landsins, Frozt, um að liðið leiki framvegis undir merki rafíþróttadeildar FH eða eSports FH. Frá þessu er greint á vef FH.

Frozt hefur á undanförnum vikum farið mikinn í Lenovo-deildinni og sigraði til að mynda deildakeppnina. Liðið er þá einnig komið í úrslitaleik League of Legends hluta deildarinnar og mun þar mæti liðsmönnum Dusty og mun viðureignin fara fram næsta miðvikudag í Háskólabíói.

Þá verða Frozt meðal keppenda á „Norðurlandamótinu“ í tölvuleiknum League of Legends, eða LOL.

Liðsmenn Frozt segjast fagna samningum og því að fá að koma saman til æfinga í Kaplakrika. Þá segjast þeir vera þakklátir fyrir að fá að taka þátt í því spennandi verkefni sem FH stendur fyrir, að byggja upp öflugt rafíþróttastarf.

Lið Frozt skipa þeir: Gísli Freyr Sæmundsson (Zarzator), Kári Gunnarsson (Tediz), Páll Jakobsson (Legions), Garðar Snær Björnsson (Sósa), Róbert Daníel Cutress (Hyperactive) og Daníel Sigurvinsson (NaCl).


Tengdar fréttir

Lenovo-deildin: Fyrsta undanúrslitaviðureign í CS:GO

Komið er að undanúrslitum Lenovo deildarinnar eftir sex vikur stútfullar af frábærri leikjaspilun, í gær fór fram fyrsta undanúrslitaleik í League of Legends hluta deildarinnar en í dag er röðin komin að Counter Strike.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.