Formúla 1

Hamilton: Ég á eftir að bæta í hraðann

Bragi Þórðarson skrifar
Hamilton segist eiga helling inni
Hamilton segist eiga helling inni Getty

Lewis Hamilton leiðir heimsmeistaramót ökuþóra með 36 stigum. Eftir franska kappaksturinn varaði fimmfaldi heimsmeistarinn keppinauta sína við.

„Ég veit að fólk vill kannski ekki heyra þetta núna, en ég og liðið eigum eftir að verða sterkari,“ sagði Hamilton

Það gæti verið eitthvað til í þessu hjá Hamilton. Bretinn hefur yfirleitt byrjað tímabilið illa en komið sterkur inn seinni part árs.

Í ár hefur Lewis byrjað með sex sigrum úr átta keppnum, bilið í Valtteri Bottas er komið 36 stig. Þriðji í mótinu er Sebastian Vettel á Ferrari.

Vettel hefur verið að berjast um titilinn við Hamilton síðustliðin tvö ár. Nú situr Þjóðverjinn 76 stigum á eftir honum í mótinu. Ef Sebastian myndi vinna þrjár keppnir og Hamilton skora ekkert, yrði Lewis þó einu stigi á undan keppinaut sínum.

„Málið er að ég vill alltaf gera betur,“ sagði Hamilton eftir franska kappaksturinn. „Eftir hverja keppni getur maður alltaf horft til baka og sagt að eitthvað hefði mátt betur fara.“

Nú er allt komið á fullt í Formúlunni og fer næsta keppni fram strax um næstu helgi í Austurríki. Hún verður að sjálfsögðu í beinni á sportrásum Stöðvar 2.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.