Golf

Haney segir Tiger til syndanna

Henry Birgir Gunnarsson skrifar
Haney og Tiger er allir voru vinir.
Haney og Tiger er allir voru vinir. vísir/getty

Golfþjálfarinn umdeildi Hank Haney heldur áfram að koma sér í fjölmiðla og nú fyrir að svara gagnrýni frá sínum gamla lærisveini, Tiger Woods.

Haney gerði allt vitlaust á dögunum er hann sagði að líklega myndi einhver kóresk stelpa vinna US Open hjá konunum. Ef hann ætti að setja nafn á sigurvegarann þá myndi hún líklega enda með nafnið Lee. Einhver Lee myndi vinna.

Haney var sakaður um rasisma meðal annars fyrir þessi orð sín og var rekinn af útvarpsstöð PGA. Sigurvegari mótsins varð síðan Lee6 frá Kóreu. Haney til mikillar gleði. Hann sagði að tölfræðin hefði bent til þess. Hann hefði ekki verið með neina fordóma.

Tiger Woods var spurður út í mál Haney á dögunum en Haney var sveifluþjálfari Tigers frá 2004 til 2010. Tiger hafði litla samúð með Haney og sagði að hann hefði fengið það sem hann ætti skilið.

„Alveg er það ótrúlegt að Tiger Woods sé orðinn einhver siðgæðisvörður í málefnum tengdum konum,“ skrifaði Haney á Twitter.

„Ég átti sex frábær ár með Tiger og ekki einu sinni heyrði hann mig vera með karlrembu eða kynþáttaníð. Nú virist hann vera orðinn hugsanalesari. Glerhús.“


Tengdar fréttir

Fyrrum þjálfari Tigers móðgar kvenkylfinga

Hank Haney, fyrrum sveifluþjálfari Tiger Woods, fær ekki að tala aftur á útvarpsstöð PGA-mótaraðarinnar eftir að hann móðgaði konurnar á LPGA-mótaröðinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.