Innlent

Bíll í ljósum logum á Reykjanesbraut

Birgir Olgeirsson skrifar
Bíllinn stendur á Reykjanesbraut við Hvassahraun.
Bíllinn stendur á Reykjanesbraut við Hvassahraun.
Slökkviliðsmenn á Suðurnesjum vinna nú að því að ráða niðurlögum elds í bíl á Reykjanesbraut við Hvassahraun. Brunavarnir Suðurnesja gátu litlar upplýsingar veitt að svo stöddu enda slökkviliðsmenn nýkomnir á staðinn.

Einungis var óskað eftir aðstoð slökkviliðs og því gengið út frá því að engin slys hafi orðið á fólki. Fréttin verður uppfærð þegar frekari upplýsingar liggja fyrir.

Uppfært klukkan 15:43: 

Búið er að slökkva eldinn í bílnum en slökkviliðsmenn eru enn við frágang á vettvangi ásamt því að vakta bílinn til að tryggja að eldur komi ekki upp á ný. Búið er að opna fyrir umferð um Reykjanesbraut til Reykjavíkur, en veginum var lokað um tíma meðan slökkvistarf stóð yfir.

 



Fleiri fréttir

Sjá meira


×