Martin sigri frá úrslitum
Martin Hermannsson og félagar í Alba Berlín eru komnir í kjörstöðu í undanúrslitum þýsku Bundesligunnar í körfubolta eftir sigur á EWE Baskets Oldenburg.
Martin skoraði 10 stig, tók þrjú fráköst og átti fimm stoðsendingar í 79-68 sigri Berlínarliðsins.
Gestirnir í EWE byrjuðu leikinn betur en nokkuð jafnræði var þó með liðunum í fyrri hálfleik. Staðan í hálflelik var 32-29 fyrir heimamenn.
Þriðji leikhluti byrjaði jafn en undir lok hans náði Berlínarliðið að stíga aðeins fram úr og fór að lokum með þægilegan sigur.
Alba hefur nú unnið tvo fyrstu leiki einvígisins, en það lið sem fyrr vinnur þrjá leiki fer í úrslit.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
