Innlent

Mjög hlýtt vor að baki þar sem mestu munar um óvenju hlýjan apríl

Sunna Kristín Hilmarsdóttir skrifar
Það má með sanni segja að veðrið hafi leikið við borgarbúa undanfarnar vikur.
Það má með sanni segja að veðrið hafi leikið við borgarbúa undanfarnar vikur. vísir/vilhelm

Það munaði mestu um óvenju hlýjan apríl á mjög hlýju vori (apríl og maí). Hitinn var vel yfir meðallagi áranna 1961 til 1990 og síðustu tíu ára. Var hann 2,5 stigum yfir í Reykjavík, 2,8 stigum yfir á Akureyri, 2,7 stigum yfir í Stykkishólm og tveimur stigum yfir á Egilsstöðum.

Vorið var það næsthlýjasta á Akureyri, í Reykjavík og Stykkishólmi og það níunda hlýjasta á Egilsstöðum.

Þetta kemur fram í yfirliti Veðurstofu Íslands um tíðarfar í maí. Þar segir að maí hafi verið nokkuð hlýr og sólríkur um vestanvert landið á meðan það hafi verið kaldara norðan og austan til.

Þurrt var um land allt, þótt eitthvað hafi snjóað um landið norðan og austanvert. Jörð varð þó aldrei alhvít á Akureyri og alautt var í Reykjavík allan mánuðinn.

Norðaustlægar áttir voru ríkjandi og þá var loftþrýstingur óvenju hár í mánuðinum.

Það var síðan sólríkt suðvestanlands. Þannig mældust sólskinsstundir í Reykjavík 236,8 sem er 44,8 stundum yfir meðallagi áranna 1961 til 1990.

Á Akureyri mældust sólskinsstundirnar 157,4 sem er sextán stundum færri en að meðaltali 1961 til 1990.

Nánari upplýsingar um tíðarfar í maí má nálgast á vef Veðurstofunnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.