Elsku Vogin mín, þú ert djúp, dularfull og spennandi, þér finnst svo mikilvægt að setja þig í ábyrgðarstöðu og það er svo merkilegt að þú nærð alltaf takmarki þínu, en þú gleymir að taka eftir því og ert strax komin með annað markmið um leið og einu er lokið.



Þú lokar of oft niðri þínar tilfinningar og reynir að aðlagast því sem þig langar ekki til og safnar upp vitleysunni og missir skapið á röngum stöðum. Þegar þetta gerist þá hendirðu þér inn í myrkrið og getur lokað á þína nánustu, en þú átt án þess að hugsa að segja fyrirgefðu þó þú hafir ekkert gert rangt, því sá vægir sem vitið hefur meira og svo sannarlega hefurðu nóg af því, vitinu.



Þú róar hugann með því að vinna mikið eða að hreyfa þig mikið og þegar þú gerir það þá brýst út bæði glæsileiki og yndisþokki því það er þinn innsti kjarni og þú þarft að muna að að stara ekki á fortíðina því hún eyðileggur daginn þinn.



Þú ert að fara inn í kraftmikið og litríkt sumar sem gefur þér hugrekki og þú átt eftir verða svo stolt af sjálfri þér og þínu fólki. Ekki hafa áhyggjur í eina mínútu ef þér finnst þú hafir tapað einhverju, hvort sem það eru peningar, vinátta eða ást því að það er að koma margfalt tilbaka sem þú hefur gefið frá þér, sumir fá endurgreiðslu frá skattinum, en þú færð endurgreiðslu frá lífinu.



Þegar þú skilur að þú hefur ekkert að óttast því þú ert best, þá er eins og öllu fargi sé af þér lyft og þá flýgurðu eins og fuglinn Fönix og rís úr eldinum því þú ert að fá svo mikinn skilning á lífínu. Eins og skilningstréð í aldingarðinum Eden þá munt þú bíta í eplið og þar af leiðandi sjá þúsundir möguleika sem lífstréð gefur þér – Og þú þarft alls ekki að treysta á aðra því þú ert Vog!



Kossar og knús, Sigga Kling.

Vog 23. september - 22. október

Kári Árnason, landsliðsmaður í fótbolta, 13. október 

Hjörvar Hafliðason, fjölmiðlamaður, 6. október 

Svanhildur Hólm Valsdóttir, aðstoðarmaður ráðherra og sjónvarpskona, 11. október 

Hanna Birna Kristjánsdóttir, stjórnmálamaður, 12. október 

Lilja Dögg Alfreðsdóttir, mennta- og menningamálaráðherra, 4. október 

Ragga Gísla, tónlistarmaður, 7. október 

Steinn Steinarr, skáld, 13. október 

Margret Thatcher, 13. október 

Fanney Birna Jónsdóttir, fjölmiðlakona, 21. október 

Friðrik Dór, tónlistarmaður, 7. október 

JóiPé, tónlistarmaður, 2. október 

Jóhanna Vigdís Hjaltadóttir, fréttaþulur, 19. október 

Kim Kardashian, raunveruleikastjarna, 21. október