Erlent

SÞ vilja Katalóna úr haldi

Þórgnýr Einar Albertsson skrifar
Katalónskir fangar í Lledoners-fangelsinu. Sanchez og Junqueras lengst til vinstri, Cuixart þriðji frá hægri.
Katalónskir fangar í Lledoners-fangelsinu. Sanchez og Junqueras lengst til vinstri, Cuixart þriðji frá hægri. Nordicphotos/AFP

Gæsluvarðhald yfir þremur katalónskum sjálfstæðissinnum á Spáni, sem ákærðir eru fyrir uppreisn, er gerræðislegt og því ætti að leysa þá úr haldi. Þetta er mat vinnuhóps Sameinuðu þjóðanna um gerræðislegar fangelsanir. The New York Times greindi frá í gær.

Nýkjörnu þingmennirnir Oriol Junqueras og Jordi Sanchez og aðgerðarsinninn Jordi Cuixart ættu að fá bætur fyrir fangelsunina og hún ætti að sæta rannsóknar á spáni að mati hópsins. Þeir hafa allir verið í fangelsi í meira en ár og eru á meðal þeirra tólf sem réttað er yfir í hæstarétti í Madríd um þessar mundir vegna atburðarásar haustsins 2017 þegar Katalónar greiddu atkvæði um sjálfstæði.

Vinnuhópurinn hefur ekki völd til þess að framfylgja ákvörðun sinni og er það því undir Spáni komið að ákveða framhaldið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.