Sjúkrahótelið við Hringbraut tekið í notkun
Sjúkrahótelið við Landspítalann á Hringbraut var tekið í notkun í gær og gistu fyrstu fjórir gestirnir á hótelinu í nótt, þrír sjúklingar og einn aðstandandi. Sjúkrahótelið var afhent Landspítalanum við formlega athöfn þann 31. janúar síðastliðinn.
Stefnt var að því að opna sjúkrahótelið í byrjun apríl.
„Það eru margar ástæður fyrir því að þessu seinkaði en nú er þetta allt að gerast,“ segir Sólrún Rúnarsdóttir hótelstjóri. „Þetta tekur allt sinn tíma. Úttektunum var ekki lokið. Við þurftum að yfirfara að allt væri í lagi og atriði eins og að koma netinu inn á kerfi Landspítalans.“ Búið er að búa um rúmin í öllum 75 herbergjunum.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
