Körfubolti

Gengur ekkert hjá Lakers að fá nýjan þjálfara

Henry Birgir Gunnarsson skrifar
Lue og LeBron síðasta sumar.
Lue og LeBron síðasta sumar. vísir/getty

NBA-félagið LA Lakers er enn í þjálfaraleit og nú síðast sigldu samningaviðræður félagsins við Tyronn Lue út í sandinn.

Lue hafnaði tilboði Lakers á þriðjudag en Lakers gafst ekki upp og kom með nýtt tilboð í gær. Það skilaði engu og Lue er hættur að ræða við forráðamenn félagsins. Hann vildi fimm ára samning sem var ekki í boði.

Þess utan setti Lakers mikinn þrýsting á að Lue myndi taka Jason Kidd sem aðstoðarþjálfara og það fannst þjálfaranum ekki vera heillandi.

Lue var auðvitað þjálfari LeBron James hjá Cleveland er liðið varð meistari árið 2016. Hermt er að hann hafi verið efstur á lista James um næsta þjálfara liðsins. Lue spilaði einnig með Lakers og var í meistaraliði félagsins árin 2000 og 2001.

Lakers hafði áður reynt að fá Monty Williams, aðstoðarþjálfara Philadelphia, til að taka við liðinu en það gekk ekki heldur upp.

Leit Lakers heldur því áfram.

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.