Körfubolti

Úrslitakeppnin í hættu hjá Kevin Durant

Óskar Ófeigur Jónsson skrifar
Kevin Durant.
Kevin Durant. Getty/Ezra Shaw

Það er uppi mikil óvissa með Kevin Durant og meiðsli hans frá því í nótt. Hann spilar þó væntanlega ekki fleiri leiki í einvíginu á móti Houston Rockets.

Golden State Warriors komst í 3-2 á móti Houston Rockets í úrslitakeppni NBA-deildarinnar í nótt en varð einnig fyrir áfalli.

Stórstjarnan og besti leikmaður liðsins í úrslitakeppninni, Kevin Durant, fór meiddur af velli og mikil óvissa er um hversu lengi hann verður frá.

Kevin Durant hefur hækkað tölfræði sína frá því í deildarkeppninni en hann er með 34,2 stig að meðaltali í fyrstu ellefu leikjum úrslitakeppninnar eftir að hafa skorða 26,0 stig að meðaltali í deildarkeppninni. Þriggja stiga skonýting hans hefur einnig hækkað úr 35,3 prósentum upp í 41,6 prósent og þá hefur hann nýtt yfir 90 prósent víta sinna í úrslitakeppninni.

Kevin Durant meiddist á kálfa þegar hann skoraði körfu undir lok þriðja leikhluta. Hann lék ekki meira með en Golden State náði engu síður að landa 104-99 sigri.

Eins og sjá má hér fyrir neðan þá getur það skipt Kevin Durant og Golden State liðið miklu máli hversu alvarleg þessi meiðsli er.



Golden State Warriors gaf ekki út neina tilkynningu um alvarleika meiðslanna og Kevin Durant á eftir að fara í frekar myndatöku og skoðun í dag.

Eins og sjá má hér fyrir ofan er mikill munur á fyrsta og annars stigs tognun. Það lítur samt út fyrir að Golden State Warriors þurfi að klára Houston Rockets einvígið án hans.

Ef þetta er fyrsta stigs tognun þá er Durant frá í sjö til tíu daga og missir væntanlega að síðustu leikjunum á móti Houston og væntanlega fyrsta leiknum í úrslitum Vesturdeildarinnar komist Warriors liðið þangað.

Ef þetta er aftur á móti annars stigs tognun þá er Durant frá í fimm vikur. Hann myndi missa af restinni af úrslitakeppninni nema kannski ef lokaúrslitin fara alla leið í sjöunda leik. Hann gæti mögulega náð honum.

Durant meiddist á hægri kálfa. Getty/Ezra Shaw
NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.