Aðalsteinn stýrði Erlangen til sigurs á Magdeburg
Erlangen, sem Aðalsteinn Eyjólfsson stýrir, vann góðan sigur á Magdeburg, 26-25, á heimavelli í þýsku úrvalsdeildinni í handbolta í dag.
Með sigrinum fór Erlangen upp í 9. sæti deildarinnar.
Í síðustu fjórum heimaleikjum sínum hafa strákarnir hans Aðalsteins unnið Magdeburg og Bergischer og gert jafntefli við Rhein-Neckar Löwen og Hannover-Burgdorf.
FT: Erlangen 26 - 25 Magdeburg
Erlangen’s 4 last home matches in the Bundesliga:
- Erlangen 26 - 18 Bergischer
- Erlangen 23 - 23 Rhein-Neckar Löwen
- Erlangen 25 - 25 Hannover-Burgdorf
- Erlangen 26 - 25 Magdeburg
Strooooong#handball #dkbhbl
— Rasmus Boysen (@RasmusBoysen92) April 21, 2019
Norski línumaðurinn Petter Overby skoraði sigurmark Erlangen á 57. mínútu. Ekkert mark var skorað á síðustu þremur mínútum leiksins.
Erlangen lenti undir, 18-20, en vann síðustu 20 mínútur leiksins, 8-5.
Florian von Gruchalla var markahæstur í liði Erlangen með sex mörk. Nico Büdel og Andreas Schröder skoruðu fimm mörk hvor.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
