Þórólfur sækist áfram eftir að leiða Samgöngustofu

Alls bárust 23 umsóknir um embætti forstjóra Samgöngustofu sem auglýst var í mars. Umsóknarfrestur rann út 1. apríl. Samgöngu- og sveitarstjórnarráðherra skipar í embættið til fimm ára og tekur skipunin gildi 6. ágúst nk.

Á meðal umsækjanda eru Þórólfur Árnason, núverandi forstjóri Samgöngustofu, Margrét Hauksdóttir, forstjóri Þjóðskrár og Hafsteinn Viktorsson sem gegndi stöðu forstjóra PCC BakkiSilicon á Húsavík frá árinu 2017 til síðasta árs.

Þriggja manna nefnd hefur verið skipuð til að meta hæfni umsækjenda. Í henni eiga sæti Árelía Eydís Guðmundsdóttir, dósent við Háskóla Íslands, Guðrún Gísladóttir, skrifstofustjóri í atvinnuvega- og nýsköpunarráðuneytinu og Helgi Valberg Jensson, aðallögfræðingur hjá Lögreglunni á höfuðborgarsvæðinu.

Umsækjendur um embætti forstjóra Samgöngustofu

• Aðalsteinn Magnússon, rekstrarhagfræðingur
• Dagmar Sigurðardóttir, sviðsstjóri
• Einar Örn Héðinsson, framkvæmdastjóri
• Friðrik Ólafsson, verkfræðingur
• Geirþrúður Alfreðsdóttir, flugstjóri
• Guðjón Skúlason, forstöðumaður
• Guðmundur I. Bergþórsson, verkefnastjóri
• Hafsteinn Viktorsson, forstjóri
• Halla Sigrún Sigurðardóttir, framkvæmdastjóri
• Halldór Ólafsson Zoëga, deildarstjóri
• Hlynur Sigurgeirsson, hagfræðingur
• Inga Guðrún Birgisdóttir, mannauðsstjóri
• Jón Gunnar Jónsson, framkvæmdastjóri
• Jón Karl Ólafsson, ráðgjafi
• Magnús B. Jóhannesson, framkvæmdastjóri
• Margrét Hauksdóttir, forstjóri
• Reynir Sigurðsson, framkvæmdastjóri
• Róbert Ragnarsson, framkvæmdastjóri og stjórnsýsluráðgjafi
• Sigrún Birna Sigurðardóttir, ráðgjafi
• Stefán Vilbergsson, verkefnastjóri
• Trausti Harðarson, ráðgjafi
• Þorkell Hróar Björnsson, framkvæmdastjóri
• Þórólfur Árnason, forstjóri